يامرحبا قدر ووفاء بسم نزال=بشيوخ حرب الوافيه وبجبرها
دافع وفاء للي مواقفهم جزال=نختار من جزل المثايل دررها
حيا الله الوافين رجال رجال=ترحيبةٍ عقل النقي يعتبرها
في كل لابه عد ماهل همال=من مزنتةٍ غرا حقاقن مطرها
عند الفريدي طيب الفعل والفال=ابن دحيدح كلمتة ماقصرها
ترحيبةٍ قول وفعل فال وعقال=في كل وقت نقولها ونعمرها
على الوفاء والعز في كل الاحوال=الميسوي خطواتكم له شكرها
ونبارك لشلاح تقدير وجلال=على حصاد جهودة اللي بذرها
قد الثقة والترقية يابن الابطال=من قدم الجزلة جنا من ثمرها
كفو كفو يامعرب العم والخال=شيخ من شيوخ تشرف سيرها
ياذخر عبدالله عسى ايامك اطوال=ابوك قبلك قدرتة ماذخرها
من دون ربعه سمعته مضرب امثال=وفعله هو اللي بالمجالس شهرها
جمع قلوب رجال ماجمع اموال=واهل العلوم الغانمة ماخسرها
وانتة كذالك للمشاكيل مدهال=وخوانك اللي مايغرك نضرها
وصلو على محمد عدد كل ماسال=وادٍ من مزونن حقاقاً مطرها