بِسْم الله الرحمن الرحيم
هذه مشاركه الشاعر الشاب محمد بن ماجد الفريدي بمناسبة زواج الشاب سلطان بن مقبل الفريدي بقاعة المعالي مساء الجمعة ٢٢ / ٥ / ١٤٣٦هـ

شاعرٌ يمتاز بقوة المعنى وصياغة الحرف شاعرٌ شابٌ مبدع قادم للساحه الشعريه بقوه

حلفت عن حفل الرجال المسمين..=مانيب لاغايب ولانيب ناسي..
لو كان ظرف الوقت قاسي ولايلين..=من شانهم بيلين لو كان قاسي..
حضرت من قدر وغلا للوفيين..=اللي لهم بالطيب ساس ومراسي..
ربعن لهم بالمجد رمز وعنوانين..=اللي مواجهم يزيد الحماسي..
مبروك ياسلطان نسل الميامين ..=اهل الكرم وافعالهم ماتقاسي..
ابوك ابن محسن زبون الونيين...=لاصار في حبل الامور امتساسي..
اسمن علئ مسمّئ لكم يالشجاعين..=روسن تروس اخصومها ما تراسي..
لامن ذكرت افعال حرب السلاطين.=يطير حلو النوم ويشوش راسي.
والهرج ماينفع بليا براهين..=ومدحي لربعي واجبن لي واساسي..
حق الضيوف اليا لفوا سمن وسمين..=وحق العدو سيفن بحد المواسي..
لو الهبايب هبت يسار ويمين..=نرسي مثل رسي الجبال الرواسي..
من دون قاصر فالقبايل ونعمين..=كلن وله مجده ولا له تناسي..
ابختصرها كلمتن بين قوسين..=حرب الحرايب عزوتي تاج راسي.