الفوز للوسوس بلاشك محجوز=صقور جازي دايمٍ حاجزينه
يتعب مظاهيهم سدى حامض البوز=لا حاز عينه طافه الفين عينه
ندر حرار ن للسما ترفع النوز=سمك المجره جاوزو فرقدينه
من فوق عرشٍ مابه خلول وهزوز=ارساء من جبال العلا والمدينه
ماحركه صلف العواصيف والروز=اشبال ليثه محتمينٍ عرينه
قصرٍ على الامجاد والعز مركوز=اولاد جازي با القمم رافعينه
تحكيبه الاجيال جوزٍ بثر جوز=ما ينمحي مهما تقافت سنينه
فيهم من الشايب تواصيف ورموز=اللي عسا الفردوس مع ساكنينه
اهل الكرم في حزة اليسر والعوز=ان ما تهيا كاش جابوه دينه
في كل جمعه واجب العود مبروز=سلمٍ بدابه قبل ومواصلينه
بيته لمختلف البشر بتله يحوز=باب الضيافه دايمٍ فاتحينه
يذاع طاريهم مع النعم ملزوز=اسم الفريدي دايم منومسينه
مبروك يا ممدوح تستاهل الفوز=بصفر البكار النادرات الثمينه
ذودٍ بخشم المال والعرف مخزوز=لا شافه الطماع فرك يدينه
لا عرّضت عدونا تقل منحوز=يونس على كبده جروح الغبينه
مبروك يالوسوس نشاركك بالفوز=فوزٍ كسبته عدنا كاسبينه
كلٍ يشوش ويرفع الراس معزوز=من الكويت لحد غرب المدينه