مرحبا عن كل حربي من اهالي عفيف=عد ما تقراء وتسمع حروف البسمله
بسم خالد مصلح الحربي الشهم العفيف=الفريدي طيب الصيت محدٍ يجهله
مرحبا في كل حربي حضر وبكل ضيف=بالشيوخ وبالجبر كل رجل ومنزله
وش على ترحيب خالد من الترحيب اضيف=والله اني ما اخبر حرف ناقص نكمله
طيب الاخلاق والعرف والنهج الشريف=عاشقاً حب الوفاء مثل حب المرجله
مثل ابوه لكل مايرفع الهامه حليف=العلوم الطيبه والكرم ساس عمله
يفتخر بوجود ربعه هل السلم النضيف=اهل الطولات واهل النقاء والاوله
حرب درعه تاج راسه ذخر منسف وسيف=بالليال اللي مضت والليال المقبله
ابن مصلح طيب طاريه نادر له وصيف=وبينه وبين اهل الهون مايوجد صله
فاتحٍ صدره لضيفه مثل باب المضيف=من نهار انه مسويه بابه ماقفله
حجم عرفه مع رجال الوفاء ماهو قضيف=كل طيب من جميع القبايل يشمله