مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   الله على قول الصحيح يهداني :: الشاعر :: عبدالله هلال الفريدي (http://www.alfredah.net/forum/threads/alfredah40571/)

عبدالله حمد الفريدي 04-01-15 11:48 PM

الله على قول الصحيح يهداني :: الشاعر :: عبدالله هلال الفريدي
 
مشاركة الشاعر الكبير عبدالله هلال الفريدي
في حفل لافي بن مرزق الفريد بمناسبة تخرج ابنه ممدوح وعودته من استراليا


الله على قول الصحيح يهداني=والله يجملني اذا قلت تعبير
تجملي بي يا جزال المعاني=للشعر وقت وللنوادر مداوير
يوم ان ابو ماجد لحفله دعاني=مالي عذر والشعر ماله معاذير
ومع النشاما طيبين المجاني=حضرت للحفله محبه وتقدير
وانا اتشرف في رفيع المكاني=ومثلي تشرف به رجالٍ مشاهير
الشيخ لافي عند قاصي وداني=مواقفه ماهي خفيه عن الغير
اليا دعاه اللي حداه الزماني=يفز واقف ماحسب للمخاسير
كنه يقول انا فدى من نخاني=والعمر فاني وإشهدي يامقادير
ومن غير جاره والخوي والعواني=في مجلسه تلقى ضيوف ومسايير
طيبه يفوح وريحة الزعفراني=تفوح مع هيل الدلال المباهير
ولضيوفه يقلط كبار الصياني=من فوقها حيلٍ شحمها مزابير
وياهل الوفا مال الوفا وجه ثاني=مادام في جو السماء يكفخ الطير
وابمدح اللي فعلهم ماخفاني=والمدح له من فعلهم خير تبرير
اهل الطراق اليا برك كل واني=ادناهم اللي يفتل الراي ويجير
من طيبهم لو وجه الايام شاني=وقفاتهم مثل السيوف البواتير
ربعي اليا شان الزمان وحداني=بوجيههم عيني تشوف التباشير
وعشرة معاديهم تعوّد ثماني=ان ثار بالميدان عج الطوابير
متكاتفين الراي حب وتفاني=للدين وارض الخير وقيادة الخير
انشد بساتين ارضها والمباني=تلقى حقايق فعلهم دون تزوير
وسر ازدهارك يالطراق بثواني=خلفه فكر ورجال نهضه وتعمير
الله يحقق سعيهم والاماني=ويزيدهم عز ومحبه وتنوير
وشكراً وتقديراً وجل امتناني=لاهل الطراق اهل الوجيه المسافير
والله يبيض وجه شيخٍ دعاني=اتاح فرصة هاجسي لتعابير
مشاعر وفيها تحدث لساني=والعذر منكم ان حصل فيه تقصير

عبير المهبل 22-01-15 03:12 PM

رد: الله على قول الصحيح يهداني :: الشاعر :: عبدالله هلال الفريدي
 
شكرا على الموضوع أعجبتني كثيراااااا


الساعة الآن 11:31 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52