مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   امدحك يالافي وانا فيك ممدوح :: الشاعر خلف بن عتاق (http://www.alfredah.net/forum/threads/alfredah40570/)

عبدالله حمد الفريدي 03-01-15 04:41 PM

امدحك يالافي وانا فيك ممدوح :: الشاعر خلف بن عتاق
 
مشاركة الشاعر والاديب خلف بن محمد بن عتاق الفريد
في حفل لافي بن مرزوق بن جفنان الفريد بمناسبة تخرج ابنه ممدوح


هلا هلا بعيال سالم ومسروح=اهل الفعول البيض في كل ساحه
تاريخهم لو ماشرحناه مشروح=توارثوا تاجه ولبسوا وشاحه
حرب الحرايب قمةٍ مالها سفوح=ومثل البحر بالطيب عمق ومساحه
كم اعتقوا نفسٍ بها هم وجروح=وكم خلصوا دينٍ صعيبٍ كفاحه
وكم طوحوا عقلٍ على روسهم طوح=اليا دعا الواجب وهبت رياحه
والليله الفرحه لها الباب مفتوح=ومن طيبها صدري يزيد انشراحه
فرحة اخوي بعودة الابن ممدوح=عوّد وباليمنى شهادة نجاحه
طحطوح ممدوحي ومن راس طحطوح=وعسى حصيله مع نجاحه فلاحه
والماقف الليله به المدح مسموح=وابا اتخير من كلامي قراحه
خذها يبو ماجد من الروح للروح=ماعندي ازين من كلام الصراحه
امدحك يالافي وانا فيك ممدوح=واحس في مدحك محبه وراحه
دايم على جمع المناعير مشفوح=ويمنى الكرم ياحظ منهي سلاحه
وطبع الكرم في داخل الجوف له فوح=صعبٍ على المفتون يكبح جماحه
وانته ورثت الطيب من عد وتموح=عد المكارم والفخر والسماحه
وشكراً يبو عادل على صادق البوح=مدحتنا من قلب كله نصاحه
وانا ادري ان مدحي بشرواك مجروح=لاكن غط النور نقص وبجاحه
ياحامل المشعل وغيرك على الضوح=وان يبست الاخلاق بسمتك راحه
يوم الاوادم بين راجح ومرجوح=انته كسيت الطيب عقل ورجاحه
تم الكلام اللي من الروح للروح=سجيني المكنون واطلق سراحه


ملاحظه
ابو عادل هو الشاعر والاعلامي عبدالله هلال الفريدي


الساعة الآن 10:11 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52