مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   اهداء للحر النداوي (http://www.alfredah.net/forum/threads/alfredah40497/)

ابـن مـطـيـع 31-10-14 11:05 AM

اهداء للحر النداوي
 
هذي قصيدة الشاعر مقبل النمران اهداء للحر النداوي معلا بن عنيزان بن دويحان الفريدي


رش ياصوته على قلبي سكينه=من رحل لديارنا وأنا خلاوي
الفرح عندي مثل طعم الغبينه=والسماء داكن بعد ماهو سماوي
ذي ألعابه ذا كتابه محترينه=ذا محله يوم يجلس فيه خاوي
كني الساكن وهو لي المدينه=كني المهموم وهو لي المداوي
كان نور البيت لي وياسمينه=كان ضحك وكان نبع وكان جاوي
كل يوم انادي اسمه بس وينه =بيننا بحور ومسافات وعزاوي
شاق متني يوم يفرح بي يدينه=شاقت اذني لصوت بابا والرجاوي
شاقني زوله وهم لي مرسلينه=عارفين انه ليا من قال قاوي
جعل تبطي به على الدنيا سنينه=وهو بخير وهو بعز وهو غناوي
مالي إﻻ الصبر والقلب بيقينه=ان كتب ربي عليه أغلى الخطاوي
قلتها للي وصل صوته بحينه=يم ابوه اللي من الطوﻻت حاوي
يايزيد ابوك حنا عارفينه=الكريم اللي لدرب الطيب هاوي
غاليا كن المراجل في يمينه=أبيض قربه من كبار المناوي
كل ماتضوي عليه الروح زينه=أنت للهتان واليشموم ضاوي
نادر صعب تﻻقي منه عينه=العريب الشامخ الحر النداوي
ابو بندر طيب فال مرافقينه=وسعد بال اللي تعناله فداوي
اسمه معﻻ تعلى منافسينه=الأصيل ابن دويحان النقاوي
من عرين المجد والا من عرينه=يستمد الطيب وكبار الهقاوي
من عيال العود مفنين الخزينه=عيال راشد لاعوى للفقر عاوي
يصنعون احﻻم بالكف الحزينه=انشد التاريخ عن علم الفراوي
عيال راشد والسطر يامدورينه=زبن من جاهم من الكربه جﻻوي
عيال راشد حاضر المجد وجبينه=بكل قمه فوق جزﻻت الحراوي
يايزيد الطيب ربعك محتوينه=حق ثابت ﻻحلوم وﻻ حجاوي
حق ثابت والقبائل خابرينه=وانت ابوك لصفحة الأمجاد راوي
انشده صوتك على قلبه سكينه=من رحلت وهو على الدنيا خلاوي

الشاعر/ مقبل بن نمران

عبدالله حمد الفريدي 31-10-14 01:55 PM

رد: اهداء للحر النداوي
 
صح لسان الشاعر الكبير
مقبل ابن نمران قال وابدع في القول عاداته الجزاله
ويستاهل ابن دويحان رجل شاع ذكره بالطبب والعلم الغانم
ولا عليك زد يبو صالح وسلمت ودمت على الايراد الجزل لاهنت


الساعة الآن 02:12 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52