مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   راع الجميله مقعد بن جضعان (http://www.alfredah.net/forum/threads/alfredah40468/)

علي محيميد الفريدي 13-10-14 10:13 PM

راع الجميله مقعد بن جضعان
 

من القديم قصيدة رد ثناء بصاحب المواقف المشرفه والبطولات الشيخ /مقعد بن قضعان


والله ماانسى طيب راع الجميله
مادام عقلي فيه ميزن وتبريق

ماينسي راع الفعول الجزيله
اللي برز من بين كل المخاليق

كلن يقول ونعم لاجا سبيله
ترفع له البيضاء بروس البياريق

حرن تساوى فوق راس الطويله
عدى عن الطامن رفيع الشواهيق

صقر الصقور اللي يصيد الجليله
اللي يفرق جمعت الجول تفريق

ولا العقاب الصيرمي يوم اخيله
لاحام في كبد الخضيرا بتحليق

مخالبه مثل السيوف الصقيله
والحوم لاشافه نزل للدواريق

ذيب العيال اللي يزبن دخيله
ينصاه من ضاقت عليه الطواريق

له منزل ن فيه الرجال تعني له
ياتون له من غربها والمشاريق

يفوح بالديوان بنه وهيله
وذبايحه دايم وهن بالمعاليق

تلقى زعيم القوم دايم خليله
مايرافق ضعوف الرجال المطافيق

يختار من بين النشامى زميله
ويبادله صدق العهد والمواثيق

هذاك مقعد سعد من يعتزي له
لاقلت الحيلات في ساعة الضيق

في فزعته نزل هموم ن ثقيله
كانت عليه كبر ابانات وطويق

الله يمددله حياتن طويله
ويختار له ربي خيار التوافيق

يعيش ابو خالد فخر للقبيله
بعز ن مخلد لاعدمته ولاعيق

علي محيميد الفريدي

نايف بن مياس.. 20-10-14 12:13 PM

رد: راع الجميله مقعد بن جضعان
 
صح لسانك ويستاهل بلا شك


الساعة الآن 11:38 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52