المدح بالرجل السنافي هاته=يستاهل الممدوح في وقفاته
مدحت عريب الساس ماهي ذمه=تشهد له العربان في فزعاته
رد الثناء واجب علي ارده=ماينفع الرجال كثر اسكاته
وان قيل من هو قلت عبدالمحسن =متميزن عن غيره ابميزاته
الطيب خلد له اليوم الساعه=عز القبيله لا نصته وجاته
لا ميتباها في كرمه وفعله=الطيب طبعن لْه ومعدن ذاته
لامن قسا وقتك ولا لك حيله=انصاه في وقت القسا عزاته
سد منيع اليا لفاه العاني=وفي واجبه قدم العرب مافاته
ذخرن لنا قدم الزمان القاسي=في منصبه وإلا جزل مداته
يرقى سنام المجد لين احتله=حتى رفع في منصبه راياته
علم ورجوله وافتخار وطوله=وخدمة جميع الناس من غاياته
كلن اموافقني ويشكر قولي=للشاعر اللي يمدحه ببياته

فيصل بن زمل بن سدحان