http://im83.gulfup.com/YbD6rK.jpg
الشاعر عوض ناصر في الدكتور الرائد محمد ناصر الوسوس
اليكم قصيدة الشاعر القدير

سلام ياحفل يشرف حضوره =واللي يشرفهم مقام المعازيب
بوجيههم من صورة الطيب صوره =وعلى محياهم تشوف التراحيب
كلن بوجه الضيف يبدي سروره =كنه يقول الطيب حنا هل الطيب
ايوالله اهله ماعليكم وعوره =ياتاج راسي ناطحين المواجيب
يااولاد راشد عزوتي ينموره =هذا التكاتف صح ماهو بتعصيب
ياحي والله من مقام ومشوره =وافين واكرام ونشاما واشانيب
تدرون شاعركم وش انهي شعوره =الليله الهامه تفوق المراقيب
واشوفني مدري ولاكن اصطوره =ومن الحماس احضر مع الشعر واغيب
والشعر له وقت ومكان وضروره =والليله الليله حلاته الى جيب
هذ حلاه وقطفته من زهوره =ينساق سوق الوالمه للشواريب
حضرت وافكاري ماهي بمعسوره =فضلن من اللي يعلم السر والغيب
لجل الحضور احضر وللفكر ثوره =والقول هذبته عن النقص تهذيب
القصر بضيوف الشرف زاد نوره =يامرحبا ياشيوخ قوم ومناصيب
ترحيبتن عودن يفوح افبخوره =تضفي على الحضار ترتيب ترتيب
بضيافة اللي وافياتن شبوره =ناصر رع الوقفه عريب المناجيب
طلق الحجاج مقدر اللي يزوره =رجال عرف ودمث الاخلاق واديب
مواقفه وقت اللزوم مخبوره =وافي شبور وماضيله تجاريب
والحب قالو نبتته من بذوره=يعني محمد ذيب ومعقبه ذيب
في مدرسة ناصر خذ لابن دوره =ماهو غريب ولا على القول تعقيب
نادر ولا هو مستغارب ندوره =حرن سليل لداميات المخاليب
والمرجله ماهي على احد محصوره =كلن يبي فيها مجال ومقاضيب
مار انها محفوفتن بالخطوره =عشقه ولا ترضا بكل لاصاحيب
إﻵ انت يامحمد ولا عنك بوره =ﻻنك دفعة ألها المهر والمطاليب
مبروك من نفسن بمثلك فخوره=اللي ينومسها نجاح الاقاريب
زرعتم العلم وجنيتم اثموره =مبروك يادكتور معزه وتوجيب
واقبل من الشاعر وفاه وغروره =مغرور قولوها ولاكن على طيب

الشاعر عوض ناصر في الدكتور الرائد محمد ناصر الوسوس -
مجالس الفرده