شيخ قومٍ واتفاخر وهذي لابتي=وكل طيب بالفعايل يشيد بلابته
بالفعايل والجمايل هذولا عصابتي=بشر اللي باللوازم هذولا عصابته
فعلنا بالجاهليه يبين وثابتي=وفعلنا بعد التطور هذولا ذيابته
يامحمد الف مبروك هذي رادتي=والمراجل فيك من ساس ماهي نابته
شخص مثلك احتفي به وهذي عادتي=ويحتفي به من ترجاه وامٍ جابته
والله اني محزمن لك وهذي جابتي=عقب اللي لا نطقها مايحمي جابته
يابن ناصر يامحمد بخط كتابتي=يوم لاح اسمك بدكتور جدت كتابته
وسوسياً بالصعيبات دايم ثابتي=وكل حربياً كالابهام عن سبابته
وانت نبراس لجيلك وفيك اشادتي=وكل طيب بالقبيله ينومس لابته