يالله يالله ياعلام سر الغيوب=نسألك العز والتوفيق سر وجهر
واستغفرك يا إلاهي من جميع الذنوب=ماغيرك احدٍ لزلات العباد يغفر
يالله تسهل لنا دايم جميع الدروب=قول وفعل ياجليل الملك طول العمر
الوقت والقاف والمعنى علي محسوب=مال الهواجيس عن جزل المعنى عذر
لبّست الالفاض من عذب التماثيل ثوب=والعلم لله كله والنهي والامر
مادام راسي يا بن ناصر يشم الهبوب=وافي مع اهل الوفاء مثلك وكلي فخر
شاعر وبأسم القبيله كل ماقمت انوب=ولي الفخر يوم امثلهم شيوخ وجبر
نعم بأسم حرب اعبر والحسود مهزوب=واسم الفريدي على الطاروق عجز وصدر
يامرحباء عد مالاحت بروق النصوب=اقولها واجب وعز ووقار وقدر
حيالله اهل الوفاء الوافين من كل صوب=يامرحبا ياهلا مليون في كل من حضر
ابارك لناصر الوسوس وكل الحروب=وأهني ابناء الوطن من بدو وايضا حضر
في همة الرائد الدكتور نزه الاسلوب=اللي سواته نعدها راس مال وذخر
الله يا محمد يوفقك قدر ووجوب=قهرت كل الصعايب في طموحك قهر
طلبك للعلم طبعٍ فيك منت مغصوب=المرجله فيك ورث جدود منذ الصغر
ربعك نقاهم عما عين الحسود الكذوب=جاه ووجاه وكرم يمنى وعرف وشعر
عيال راشد هل الطوله شمال وجنوب=وبالغرب والشرق معروفين دين وسطر
امجادنا راسيه في نجد مثل الهضوب=ومن لاذ بجموعنا يبشر بعز ونصر
وفينا الحمياء من ايام الزمان الشحوب=ونفنا وتفنا اليالي مالحقها الكبر
اهل الكرم في زمانٍ فيه الاحداث عوب=مابين سيف المجاعه والجهل والقشر
والطيب والجود سلم لطاهرين القلوب=اهل النفوس النقيه من جميع البشر
ملكٍ لكل النشاما في جميع الشعوب=محدن على الطايله يقدر يسوي حصر