مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   مشاركه الشاعر مقبل بن نمران بحفل الدكتور محمد الوسوس (http://www.alfredah.net/forum/threads/alfredah40386/)

نفال الدهيليس 05-09-14 02:33 PM

مشاركه الشاعر مقبل بن نمران بحفل الدكتور محمد الوسوس
 
http://im55.gulfup.com/9Svq8e.jpg

بسم الله الرحمن الرحيم



مشاركه الشاعر الكبير / مقبل بن نمران بن حماد



بمناسبه حصول الرائد الدكتور /محمد بن ناصر الوسوس على درجه الدكتوراه







الجهل وادي سحيق وللبنادم قبر=والعلم نور البصائر والعظيم وسخاه




والجهل درب الضياع ومن مشابه خسر=والعلم درب المكارم والفخر والغناه



والجهل عقلٍ تكلس لين روح حجر=والعلم عقلٍ تشبع واستنار بضياه



والجهل حده قريب مايساوي شبر=والعلم بدرٍ يشع ويستدل بمداه



والجهل ضد الحياه وفي محيطه ضرر=والعلم نبع الفضائل والعبير وشذاه



على كذا نفتخر والعلم مصدر فخر=باللي سماء بالشرف للمجد والله حباه



حرٍ تسلسل من الوافين عز وقدر=باسم على كوكب الحيين يسمع صداه



وساوسة طيب وابناء عم جود وذخر=مجدٍ ينومس هل المعروف واللي رواه



باللابه اللي لهم تاريخ مجد وسير=عيال راشد لمن جاهم زحول وغناه



والشامخ اللي رقا للنايفه واشتهر=اروى ضما من يحب المجد وأروى ضماه



كتب على صفحة الأيام حرف وسطر=حرفٍ يشرف على القمه ويسبق نداه



ماهي غريبه عليه ان حاز علم ودرر=ابوه قبله يعشق المرجله من صباه



استاذ كافح على التعليم وأعطى عمر=كم طالب أسس عزومه للطموح وبناه



والليله المحتفى به مجلسه بالصدر=يجني ثمر دربه اللي في حياته بداه



بالاسم اخصه وجيت اسجل اسمه عبر=نبض القصائد واعطر بالقوافي مساه



مبروك لك يامحمد جعل دربك خضر=الله يديمك بخير ومكسبٍ بالحياه



جمعت تاجين في درب المراجل مهر=بالتاج رائد وتاج الدال واللي حواه



دامك نجحت بمسيرك عنك مالي عذر=القلب يهديك باقة فخر وأصدق وفاه



واسم الفريدي عليه اشوش سر وجهر=بالذات لاهام في حلمه وطال ورقاه



واقول في كل وقت وكل حين وخبر=اللي برز في مجال الكل ياقف معاه



ولاء زمان التغطرس والجهل والكبر=اليوم بالعلم والاعلام تصنع وجاه



وان كان مافي حياتك دور وإلا ثمر=أنته رقم ماتفيد المجتمع والحياة



أما طموحك تجاوربه حدود القمر=وإلا تشجع ولد عمك وتكسب رضاه



وختام ماقلت باقي بالقصيدة شطر=إرجع بعقلك عليه وفكر بمحتواه



نهاية العمر هذا طال وإلا قصر=جاوب بنفسك وقرر وين درب النجاه




عبدالله حمد الفريدي 05-09-14 02:54 PM

رد: مشاركه الشاعر مقبل بن نمران بحفل الدكتور محمد الوسوس
 
صح لسان الشاعر الكبير
مقبل ابن نمران الفريدي
وفى وكفى ابو ياسر لاعدمناه
ويستاهل المدح الرائد دكتور محمد بن اصر الوسوس
شكراً اخوي نفال على الاضافه لاهنت

ابـن مـطـيـع 05-09-14 05:19 PM

رد: مشاركه الشاعر مقبل بن نمران بحفل الدكتور محمد الوسوس
 
صح السان الشاعر القدير ابو ياسر
ويستاهل الدكتور ابو فراس
تقبل تحيتي


الساعة الآن 09:24 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52