لعلك تبشّر بالمسرات يامنصور=تجيب العلوم اللي تنومس وتفعلها
انا من خبرك اللي بعثته لنا مسرور=على الفرحه اللي ماقدرت اتجاهلها
ابارك لابن ناصر حصوله على دكتور=ابارك و اشارك بالفرح حرب بأكملها
تشرفت في دعوة محمد وانا فخور=واجي لرجال اللي تواصل و اواصلها
رفيقٍ يجيب النادره مايجيب العور=ياحي الرجال اللي تجمل فعايلها
طريق الفخر والعز يبغى طويل شبور=يسوقه طموحه للعلياء لين ياصلها
ترا العلم والتعليم شبّه عليه النور=ولا يستوي عالم الاوادم وجاهلها
تعليت يامحمد براس النباء المشهور=واخذت العلامه من سنامه بكاملها
محمد حميد الصيت لادنق المثبور=شمخ واعتز بسم القبيله وجملها
اهنيك يابو فراس من واقعٍ منضور=مايجتاز من حصن اللزز غير اصايلها
تقدمت للماجوب ماني عديم شعور=اجاري واماري عند ربعي وامثلها
انا لو اغيب بمثل هذي ماني معذور=عزيز العرب يبي عليه يسجلها
وانا دايمٍ عند المطاليق لي حضور=مثل رفقتي عند العويض مابدلها
يدور الزمان ومعدن الطيب مايبور=رجالٍ تعامل بالوفاء من يعاملها
مواريث ربعن مع هل المجد لهم بذور=على النعم والنوماس تنزل منازلها

صح الله السان الشاعر القدير ابوناصر
ويستاهل الدكتور ابوفراس كل خير

وتستاهل الطيب يابو حمد الله لايهينك
نتعلم منك دائماُ في المجالس او خارج المجالس
اشكرك