مجالس الفرده - كني صويب بجوف المعركة خايف

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - كني صويب بجوف المعركة خايف (http://www.alfredah.net/forum/threads/alfredah40298/)

كني صويب بجوف المعركة خايف

عديت من ضيقتي بالمرقب النايف=وهموم صدري.. تلاطم مالها ضفه

روحي حزينه وصبري جرف مهايف=وقتي حداني مابين الجال والطفه

اغفاي طرفي مثل تغميضة الحايف=اللى من الخوف قلبه صايبه خفه

فزيت مفجوع مدري ويش انا شايف =وجيه متشابهه.. وظنون ملتفه

مليت اجامل مع الطرقه وانا عايف=من خوة اللي يصير بخوته لفه

اللي عن الحق يمشي دربه مسايف=وأفكاره المزعجة بالدور مصطفه

لو ان صدري من الدمام للطايف =وشلون ابا إصبر وقلبي مالقى شفه

كني صويب بجوف المعركة خايف=صابوه فرسان قوم تاسم الكفه

قصيدة الشاعر والإعلامي : القدير رشيد محمد الفريدي

رد: كني صويب بجوف المعركة خايف

اللي عن الحق يمشي دربه مسايـف :: وافكاره المزعـجـة بـالـدور مصطـفـه
صح لسانك ابو عبدالاله عودنا على الابداع لاعدمناه
سلمت ودمت مشعل مجالسنا ومشرفنا القدير
ابو صالح ابداع متواصل لاهنت

رد: كني صويب بجوف المعركة خايف

نيابه عن الشاعر صح بدنك على المرور المشرف
تقبل تحياتي ابو حمد