يالي تعدا الحقيقه تقل ماشفتها=لا تراعي الناس راع الله شديد العقاب
خيّلك ان العرب بحّيلك صرفتها=صرفت نيتك عن درب النقاء والصواب
سنة نبي الهداء والخير خالفتها=وتعد نفسك موفق بأختلاف الجواب
يلعب براسك قرينك لين والفتها=الخطه اللي تمهد لك طريق العذاب
نيتك بالمنطق المعسول غلفتها=خلاك تنسى عدو الله نهار الحساب
كله على شان ترضي ناس حالفتها=حب المصالح دفن ذمتك وسط التراب
على هوى النفس والشيطان وضفتها=وتشكي من الضيق بعض احيان والأكتآب
تحمّل ارهاق نفسك عقب كلفتها=ما كل رحلة ذهاب تصير مثل الاياب
تبي تكحل عيونك لاكن اطرفتها=ماهي كذا لعبة الشطار يابو الشباب
ان كان ذمتك وانته حي ما انصفتها=بكره تسافر من الدنياء بليا زهاب
ماشاب قاف القصيده حين وقفتها=لاكن شاب الهدف والقاف لرضاه شاب