شكر وعرفان للشيخ / زيد بن محمد بن حماد

لتبنيه ودعمه مجالس الفردة على شبكة الإنترنت

ألقيت هذه القصيدة ضمن الأمسية الشعرية في حفل مشائخ وأعيان قبيلة حرب في مدينة النقره
قصيدة الشاعر / مقبل النمران

أرض المدينـه منبـع الـحـق والـنـور‍=سـلام مـنـي شــوق حــب وبـدايـه

سلام من واهج غـلا صـدق وشعـور=بإحسـاس خفقـات القلـوب وهـوايـه

ثاني حرم فيها علـى الخيـر معمـور=لـلـديـن والتـوحـيـد مـنـبـر وآيــــه
تشـد الرحـال ليمتـه عفـو وســرور=ويغسل النفوس من الدرن والغوايه

علـيـه قلـبـي يــرزم إرزام ويـثــور=يبـي زكــاة النـفـس قـبـل النهـايـة

كـن الفـؤاد بساحتـه مـنـه ممـطـور=والبـال برحابـه عــن الـزيـف تـايـه

أغليه وأغلي من سكـن فيـه مقبـور=حبيـبـنـا مـحـمـد نــبــي الـهـدايــه

وأنـا عليـه ديـن مبطـي مـن دهـور=يمـوت شعـري كــان مـالـه حكـايـه

ويموت كانـه ماكتـب مـدح وسطـور=لـلـي لـهـم بالمـجـد والـعـز رايـــه

مثل الكريم اللي بـه الطيـب مخبـور=أبـــو مـحـمـد للـمـعـالـي كـنـايــه

شيـخٍ بنـى بالعـز ساحـات وقـصـور=وأكبر مـن إحسـاس القصيـد وثنايـه

درعٍ لربعـه بالـوفـاء حــزامٍ وســور=وعـن السمـوم ظـلال عطـف وبنايـه

وياشيخ ماجيتك مـن الوقـت مقهـور=وأنتـه سنـد رأسـي وربــي رجـايـه

أبشـرك فـي خيـر والحـال مسـتـور=بـعـيـد هـقــوه والـثـريــا مــدايــه

لا شكٍ أبذكـر وقفتـك مابـك قصـور=يـابــو مـحـمـد يـاكـريـم السـجـايـه

وقـفـت للتنـويـر والعـلـم مـذكــور=عكـس ثقافـة جـيـل مـثـل المـرايـه

المنتدى اللي صار واضـح ومشهـور=دعـمـك وتشجيـعـك مـنــار وقـايــه

كلمتـك فيـه تنـور الــدرب لعـصـور=ومشـوا علـى قولـك وقولـك كفايـه

موقع شرف يبنـي ثقافـات وجسـور=لـعـيـال راشـــد بإنـتـقـاء وعـنـايـه

مبني على طيب التعامل مع الشـور=للـكـل مـابـه زيــف قــول ودعـايـه

عليـه لجـنـه تـرسـم الـحـق وتــدور=حـول المعانـي الساميـه والحمـايـه

بـدابـه حـويـان وأنـشــاه مـشـكـور=لأجل القبيله وأنقـى الأهـداف غايـه

هـذا زمـان إعـلام وأوطـان وبـحـور=وقـف وقـال بصـدق منـهـو معـايـه

وشمر عن كفوفه نسل سامي الدور=نسـل الوفـي غنـام طـيـب وروايــه

قـال الجماعـه حقهـم فـيـه مجـبـور=واجـب علـي بــدون قــول وصـايـه

عبـدالله اللـي فكـره يشـع مايـبـور=عاقـل وناضـج طيـب عـرف ودرايــه

طيـب كريـم اخـلاق ويقـود جمـهـور=مايلـتـفـت للـنـاقـصـه والـوشـايــة

وقاموا على دربـه مياميـن وصقـور=فزعـة وفـاء حميـا وشـوق وهـوايـه

صعبٍ علـي أحصيهـم بعـدل معـذور=لـو إنـي أبنـي مـن وفـاهـم وفـايـه

وأرض المدينـه منبـع الحـق والنـور=سكـن بهـا شيـخٍ علـى المجـد رايـه
عـسـاه بالتوفـيـق والـعـز مـسـرور=وانـا عسـاي أنــال مـدحـه عسـايـه
الشاعر / مقبل النمران