الــنـــادرات الــوافــيــات الـعـريــبــات=مـــا كـــل شـاعــر لا بـغـاهــن يـجـنــه
وردن عـلـي يـاهـل المعَـرفـه محيـمـات=وغـدا لـهـن مــن بـيـن الاضــلاع حـنـه
وردتــهـــن عـــــدٍّ حـبــالــه طـــويـــلات=ومـن فــوق جـالـه داحـمـن و اشرعـنـه
و ترايـعـن عـقـب الــروي مــع تـلـفّـات=يـــم اللـبـيـدالـلــي خــبــط و اتـبـعـنـه
و قـادن علـى راع الشـرف و المـروات=مـتـعـب عـلــوم الـطـيـب مــــا يتـعـبـنـه
جـده قنـاالكحـل الـعـراب الشهـيـرات=شـعــب الـجـزيـره مـــا قــنــا مثـلـهـنـه
ســودٍ لابــن راكـــب زبـــون الـونـيـات=كــــم خــايــعٍ ذود الـفــريــدي رعــنـــه
اللـي حماهـن بالسنيـن المخيـفـات=يـــــوم الـقـبـايــل خـيـلـهــا مـسـتـعـنـه
فعلٍ مثل شمس الضحى ما يبا إثبات=لــــو الـقـلــوب الـحـاســده يـجـحـدنــه
و اليـوم أبـو شايـع عـريـب الـسـلالات=حقـه مــع اهــل الطـيـب مــافـيـه مـنـه
صـعـايـب الأمـجــاد جـنــه مـطـيـعـات=وخطامـهـن فــي يـديــه مـــا يطلـقـنـه
مزبـان مـن حــده مــن الـوقـت مـيـلات=وســهــوم بـقـعــا بـالـقـســا صـوبــنــه
لا جــاه سـهـل لــه جمـيـع العسـيـرات=و خــــلاالـلـيـالـي المـقـبـلـه ينـصـفـنـه
و لا تاهت اريا أهل اللحى و الشنبات=فــي مـوقـفٍ ولْـــد الـــردي راغ عـنــه
وقــف و خـلاهـا سـهــود و سـلامــات=مـن طيـب راسـه يـا عـرب مـا شحننـه
و يمـنـاه غـيـمٍ لا نتـثـرجـــاك زافـــات=يحيـي الهميـد اللـي الدهـور أيبسـنـه
لـــوعـقـبـن مـثـلـه بـطــون العـفـيـفـات=كـان الـردي ماضـي السنـيـن ادفنـنـه
تقـلـط لــه أفـكـار المعـانـي و الأبـيـات=مـــا غــيــره أحــــدٍ ظـنـتــي يـدهـلـنـه
مدحه علي مفروض فـرض الصلـوات=ومدحـه شـرف شعـري و ذوقــه وفـنـه
و اختم و أقول اخذ الشكر و التحيات=مــــن شــاعــرٍ يــمــك بـيـوتــه خــذنــه
الشاعر////محمد سعد بن شنار السهلي