|
انا اشهد انه معرب الجد والخال هذي القصيده عرفاناً بجميل العقيد : حماد بن حامد الفريدي من الشاعر ناهض حمود المصارير الدوسري بيض الله وجهه العقيد : حماد الفريدي وصح الله السان شاعرها الدوسري مايطرد الضيقه ولا يشرح البال =إلا رضى ربي وعفوه وتقواه و ذكر لله وشكره على كل الاحوال =ولامن سجد وجهي على القاع لرضاه ولأخذت فنجال مهوب اي فنجال=مع الرفيق الي خطأ الناس يدراه ولامن نصيت من الرجاجيل رجال =صميدع في حزة الضيق تلقاه الحربي الي قال ثم طال مقال =وقف معي ميقاف ما والله انساه حماد بن حامد عسى سنينه طوال=وعسى الولي من كل مكروه ياقاه جيته همومي كوم وألوان وأشكال =وقضى لزومي جعل الانذال تفداه المرجله عنده تبختر وتختال =تنقاد له وتطيع مثله وشرواه انا اشهد انه معرب الجد والخال=وانا اشهد انه طاب من طيب مجناه حمل الجمائل دين وديوني ثقال=الله يقدرني على الحمل واقواه الشاعر :ناهض حمود المصارير الدوسري |
رد: انا اشهد انه معرب الجد والخال صح لسان الشاعر لاهنت يالغالي على هالطرح وأبو بدر يستاهل والفعل اللي كذا ينومسنا كلنا ،، |
رد: انا اشهد انه معرب الجد والخال صح لسان الشاعر ناهض الدوسري ويستاهل ابو بدر المدح بيض الله وجهه علمه غانم وذكره يرفع الراس سلمت ابو صالح على الاضافه والمتابعه لاهنت |
رد: انا اشهد انه معرب الجد والخال صح لسان الشاعر والممدوح يستاهل لا هنت اخي ابن مطيع على الا ضافه |
| الساعة الآن 05:05 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir