ايها الاخوه هذه مرثيه بوالدتي ووالدت زوجتي اللاتي توفيتا
في يوم السبت

السبت يوم . إيعد من ضمن الأيام=لكن سبتٍ فات ماهوب عادي
فيه المصايب قسمت قلبي أقسام=تجمعت بالسبت صبح وهجادي
امي توفت طلعت الشمس قدام=عيني وانا ارجيها عليّه تنادي
وقعدت أجس النبض في راس الابهام=لعلي القى مايريح فوأدي
هروب من واقع ولانيب منلام=ماني مصدق موتها يالعبادي
وبالمغسله تبددت كل الأوهام=عرفت جاها الموت شيء وكادي
ودعتها مسجاه من فوقها الخام=قبلت جبهتها وانا الفكر غادي
وفي جامع الديره على شرع الاسلام=صليت وادعي خالقي بإجتهادي
وحطت بقبرٍ من رقد فيه ماقام=هذا المصير وكلنا للنفادي
وعقب مغيب الشمس تتم الأحكام=في حادثٍ عقّب جروحٍ جدادي
من المدينه بالسفر مشيها اولام=ياعونة الله للمنيّه تقادي
بخط الربيعيه على الشارع العام=لعل هاكالخط يغشى السوادي
بجاه من لبى وهلل ومن صام=وعداد سكان القرى والبوادي
تفغرلهن ياكافلن رزق الايتام=في رحمتك لاجاء نهار التنادي
مؤمّنات من الخطايا والأثام= ميمناتٍ كتبهن بالإيادي
هذا وصلى الله عدد كل الأيام=على الشفيع اللي لنا خير هادي

صح الله السانك
قيل ان اصدق الشعر الذي في الرثاء
نسال الله لهم المغفره

المشاركة الأصلية كتبت بواسطة علي الجضعان (المشاركة 279393) الله يرحمهن ويجعل الفردوس الاعلى مقرهن الله يصبركم علي فراقهن وصح لسانك ابافيصل قصيده بطعم الحزن والأسى ونشاطرك أحزانك وعساها أخر الاحزان ويجعل حياتك كلها سعاده وهناء تقبل مني اجمل التحايا وصح لسانك أابافيصل غايه في الابداع ليش لا وهي في اعز انسان عندك

اخوي
ابو عمر
اللهم آمين
وجزاك الله خير واشكرك على مشاركتك وانت مشاركني
من البدايه بالمستشفى المركزي ولاهي غريبه على اللي
مثلك وشرواك لاخلى ولا عدم هالحضور

المشاركة الأصلية كتبت بواسطة خلف الفريد (المشاركة 279398) اخي ابا فيصل ليس هناك في الشعر اصدق من كلمات الرثاء وخصوصاً اذا كانت في أحد الوالدين لذا اقول صح لسانك على هذه المشاعر الصادقه ورحم الله فقيدتيكما واسكنهما فسيح جناته وربط على قلوبكم تحيات الاخوة والمحبة

اخوي الكبير بقدره
ابو عبدالعزيز خلف الفريد
اشكرك اولاً على إتصالاتك ووقفك معي معنوياً وانت صاحب
المواقف المشرفه والحموه صح بدنك ولاهنت
تحيتي

المشاركة الأصلية كتبت بواسطة ابـن مـطـيـع (المشاركة 279401) صح الله السانك قيل ان اصدق الشعر الذي في الرثاء نسال الله لهم المغفره

اخوي
ابن مطيع
شكراً لك المشاركه وتقبل الله دعائك لاهنت
تحيتي

المشاركة الأصلية كتبت بواسطة ابوحمد (المشاركة 279402) ابو فيصل صح لسانك مرثيه قويه في فقيدتين غاليتين عليك الله يغفر لهن ويجعل الفردوس الاعلى منازلهن تقبل مروري وصادق المحبه لاهنت

اخوي
ابو حمد
صح بدنك وتقبل الله دعائك كما لايفوتني
ان اشكرك على إتصالاتك ومشاركتك المعنويه لاهنت
تحيتي