قصيدة رثا في المرحوم أن شاء الله / سعد بن محمد المجينين الفريدي يرحمه الله . والذي انتقل لرحمة الله
تعالى اثر حادث أليم في صبيحة
يوم السبت 21-5-1435هـ

الله من قلبٍ تقل به وقيده=والعين عّيت لاتطيع المعزين
حانت مواعيد الوعد والوعيده=وماقدر الخالق على الخلق راضين
واللي يعبر عبرته ماتفيده=انصاح ون ماصاح ماراجع شين
لاوالله اللي راح منا وليده= فقيدةٍ على القبيله والادنين
اللي كسب كل النعم في رصيده=سعد سـعد والاسميه كثيرين
سعد ســعد راع الخصال الحميده=راعي هلا في حزة العسر واللين
له مدةٍ لامد ماهي زهيده= ماهي بمدات الرخوم المهبين
عسا الحيا يزي موطا بريده =على النفود اللي سكنها المجينين
يصيبها في كل فتره بجيده =وينبت على قبرة زهور ورياحين
عسا حباله عند ربه جويده=في ساعةٍ فيها الاوادم ذليلين
لعل روحه عند ربة شهيده=ويدخل مداخيل الصحابه بعلين
امين ياالمعبود منجي عبيده =يااللي خلقت ادم سلاله من الطين
جعل البقاء عقب السلف باالشريده=أهل الوفا يلقا وراهم وفيين
يااللي خطاكم باالمراجل بعيده=تكفون سدو غيبته ياالميامين
بعض البشر لو مات ماهو فقيده=الفقد والوجدان فيه متساوين
وبعض البشر موته يغث البديده=تجدد الايام فرقا العزيزين
ماينفقد كود الرجال المجيده=ماتو وذكراهم مع الناس حيين