أنشهد إن الوفاء والطيب باب وسيع=واللي يبي يدخله يحتاج صبر ومدى
له قمة مستواها فوق عالي رفيع=ماهي على الكيف لو كل عليها عدى
كم واحد لو بغى يرقى عزومه تضيع=ولولا المواقيف مابه فرق طيب وردى
ولاكلف الله نفس غير ماتستطيع=ولخالق الخلق أوجه نيتي والندى
ماعنه بادي وفضله شامل للجميع=ومن لاهداه الولي يقين ماله هدا
ثم أنتخي وأحتزم في كل حصن منيع=اللي ليا كبرت القالات شاف القدا
يشتالها بالثمن وليا ملك مايبيع=من دونها منطقه للي يبيها بدا
وإن قيل منهو ذكرت إسمه سمي الشفيع=وأبوه ناصر عسى الرعديد دونه فدا
حربي فريدي بطيبه شاهدين الجميع=للفعل والصوت بين الخلق يبقى صدى.
وإلا صدوف الليال يشيبن بالرضيع=دنيا تحوف النفوس بصمتها وتحد
.تقصر براع الصخا وأحيان ترفع وضيع=إما كسفت شمسها يظهر عليها سدا
.والخاتمة ليت من يحفظ وصية وكيع=حيلك وبذل السبب لاصار عندك جدا
الشاعر : بداي عبيد البشري