|
ماعاد فيّه خير لاضاع صيتي ايها الاخوه بهذا اليوم المبارك زارني في بيتي الصديق عبد العزيز بن فهاد بن عبد العزيز الحماد وهو من المتأثرين بالحضاره وأبداء ملاحظه كون الباب مفتوح ويقول الواجب غلق الباب إحتياطاً فأجبته بهذه المتواضعه ارجو أن تليق بمقامكم القصـــــــــيـــــــــــ ـــــــده الباب لازم نفتحه يابو حمّاد=للضيف والعاني وجيران بيتي اما يجي ضيفٍ على غير ميعاد=يبالوناسه والقرى والمبيتي والا يجي عانٍ من البعد نشاد=ولاشاف بابي منقفل قال ليتي ماجيت يمه وانقلب هم وانكاد=ومن الكدر تسمع لصدره زنيتي وش موقفي ياراعي الشور لاعاد=ماعاد فيّه خير لاضاع صيتي الوجه ستره واجبٍ عند الاجواد=ومن لاستر وجهه عظامه رميتي يموت مفلس مثل شداد بن عاد=ويقول يانفس الشقاء وش لقيتي بعض العرب كنه على الطيب ينقاد=وبعض العرب مثل الحصان الصويتي هذا الجواب المختصر فيه مافاد=ردٍ على ماقلت عن باب بيتي وسلامتـــــــــكـــــــم |
رد: ماعاد فيّه خير لاضاع صيتي كفؤ كفؤ يابن عجاب صح لسانك وعلا شانك قصيده تكلم عن موضوع مهم وقد اندثر في هذا العصر والحضاره مهما كانت لن تثنينا عن تراث أجدادنا وسلمهم والجار حث عليه الاسلام واوصى عليه المصطفى عليه السلام والضيف له عند العرب شان عظيم والزاير كفيت ووفيت وبيض الله وجهك ولك البقى وعساك ماتاخذ من قل القصيده راقت لي وأعجبتني قول وفعل يابوزوايد تقبل مني أجمل التحايا وشكرا ع الاضافه العطره |
رد: ماعاد فيّه خير لاضاع صيتي الباب لازم نفتحه يابو حماد :: لضيف والعاني وجيران بيتي ابو فيصل صح لسانك قول وفعل يابو زوايد والوجه ستره واجبٍ عند الاجواد :: ومن لا ستر وجهه عظامه رميتي لله درك يابو فيصل تقبل مروري واعجابي لاهنت |
رد: ماعاد فيّه خير لاضاع صيتي ابداع ابوفيصل صح لسانك |
رد: ماعاد فيّه خير لاضاع صيتي صح اللسانك ياغازي ولاهنت وااااااافي دائمآ لقد وصلتني قبل ان اقرأها هنا وااااااافيه من راس ٍ وااااااااافي تقبل تحياتي ومروري المتواضع |
رد: ماعاد فيّه خير لاضاع صيتي صح لسانك وقصيد جميله لله درك يا ابا فيصل |
رد: ماعاد فيّه خير لاضاع صيتي اقتباس:
اخوي الشاعر علي بن جضعان اشكرك على المرور العطر والاشاده والمداخله تحيتي |
رد: ماعاد فيّه خير لاضاع صيتي نُبل الأخلاق وشيمة العرب ومكارمهم صووغتها في ابياتك يا ابو فيصل صح لسانك ودام كرمك تقبل مروري |
رد: ماعاد فيّه خير لاضاع صيتي اقتباس:
اخوي ابو حمد اسعدني مرورك اطال الله عمرك على الطاعه وشرفتني بمداخلتك لاهنت دام وجودك وتواجدك تحيتي |
رد: ماعاد فيّه خير لاضاع صيتي الشاعر القدير ابوفيصل صح لسانك على الابيات الجزله وعادتك الجزاله والعلم الغانم دام تواجدك المميز |
| الساعة الآن 12:02 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir