مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   ترحـيـب ٍ من قــلب عـــز وســلامـــا (http://www.alfredah.net/forum/threads/alfredah3961/)

القسومي 28-07-07 01:58 AM

ترحـيـب ٍ من قــلب عـــز وســلامـــا
 
في كل معنى الحب والإخاء أتقدم إلى الأخ الفاضل // بـــدر بـن حــيــيــان بن مـسـعود الحماد الفريدي
في مناسبة زواجه في يوم الأربعاء ليلة الخميس الموافق 4/7/1428 هــ وأهدي له هذه الأبيات المتواضعة
.

ســــــــــلام يا راع الكرم و الـمـواجيـب = يا بدر بن حـمــاد عال المــقــامـــا
ســــــــــــلام من راس ٍتـمـايل تراحيـب =ترحـيبةٍ من قــلب عـــز وســلامـــا
ســــــــــلام يا نسل الرجال الــمواهيـب = يا نسل ابن حـماد فـــخر النشامـــا
صــــــداقتك تكتب على عــالي الـنـيــب= وحزٍت العـــلــوم الطيـبات التـمامـــا
محــــبــــتــــك بالقلب مســـكانها غيـب = يا راعي الفــزعــات عــز السـنامـــا
عـــز الله انه مــــا زعل منكم اصـحيـب = و عـــز الله انــك ما نقــلـت الـكـلاما
يالصاحب اللي لك معزه عــلى الطـيب = والطـيـب للـطـيـّب بــعـيـد الــهـمـامـا
الطيب لاهل الــــطيـب لا شـك لا ريــب =والا الـردي دايم عـلــيـه الــمــلامــا
مــن روس قــوم ٍللـمـعــزة لــواهـيـــب =لـهـم علـى الـبـيـدا فـعـــول وزعامـا
و ســـــلام يالحربي زبون الأشانـــيـب = لا ثارت الــهــيــجا وعــــم الـظـلامـا
عوق الخــصـــيم اللي براسـه تـنـاشيب =حـر ٍ ولـد حـر ٍبــراســـه شـــــهــامـــا
ويا الله ياللي تـعلم الــســر والـغــيــب=نطلبك توفـيـقـك لنسل الـحــشــامـــا
وفي حـفـلـتـه لا تلـحـقـه لـلاتــاعـيــــب =ويكتب له الـتـوفيـق منـش الغماما
وســــلام يا شـبل الحــرار الأصـالـيـب =وســـلام يا بــــدر الـمـعــزة سلامــــــا
وخــتـــامها ترحـيـب ترحـيـب ترحـيـب =من قلب مـخـلص بالرجال الـكرامـــــــا

أخوك // صالح بن هلال بن عوض القسومي الفريدي

ذيب المعارك 28-07-07 05:20 AM

رد: ترحـيـب ٍ من قــلب عـــز وســلامـــا
 
مشكور على القصيدة

عبدالله علي الطهيمي 28-07-07 06:10 AM

رد: ترحـيـب ٍ من قــلب عـــز وســلامـــا
 
مشكور على هذه القصيده الرائعه

احمد بن ضيف الله بن حماد 28-07-07 08:15 AM

رد: ترحـيـب ٍ من قــلب عـــز وســلامـــا
 
الاخ / القسومي


شكراً لك على القصيدة الجزلة والرائعه

صح لسانك ويستاهل بدر بن حماد

تقبل جزيل شكري وامتناني لك

القسومي 28-07-07 08:39 AM

رد: ترحـيـب ٍ من قــلب عـــز وســلامـــا
 
اخوي // راعي الصفر الفريدي.
اخوي // الطهيمي .
اخوي // احمد الحماد .
اشكركم على مروركم وعلى ردودكم ,
ولا نستغني عن ملاحظاتكم لآنني مبتداء في رحلتي الشعرية فأرجوا منكم ومن المشاهدين الأعزاء ان لا يبخلوا علينا في ردودهم ومقترحاتهم وملاحظاتهم ,

مقبل بن نمران 28-07-07 01:14 PM

رد: ترحـيـب ٍ من قــلب عـــز وســلامـــا
 
القسومي

كفيت ووفيت ويستاهل بدر

اقتباس:

ولا نستغني عن ملاحظاتكم لآنني مبتداء في رحلتي الشعرية فأرجوا منكم ومن المشاهدين الأعزاء ان لا يبخلوا علينا في ردودهم ومقترحاتهم وملاحظاتهم
,

لأن معدنك أصيل وتبحث عن الأفضل تقول كذا في زمن قل فيه من يقبل النقد الهادف والبناء

شكري وتقديري ودعواتي لك

ابن منيديل 28-07-07 04:30 PM

رد: ترحـيـب ٍ من قــلب عـــز وســلامـــا
 
هلا هلا هلا

بـ صالح بن هلال القسومي

صح لسانك ياشاعرنا

ويستاهل بدر حييان بن حماد

وهذا دليل على وفائك ياخي صالح ولاهي بغريبة عليك ولاعلى ربعك يارائع

واذا هي قصيدتك وانت في بدايتك ماشاءالله تبارك الله ان شاءالله سوف تكون

من منافسي شعرائنا الكبار

دمت مبدع ونتمنى منك ان لاتبخل علينا بقصائدك


تقبل مروري البسيط وجزيل شكري

اخوك / محمد بن فهد بن سبيل

القسومي 29-07-07 12:14 AM

رد: ترحـيـب ٍ من قــلب عـــز وســلامـــا
 
اخوي الشاعر الكبير : مقبل النمران . تشرفني ردودك الجميلة , ويسعدني مرورك الجميل ,
ولك مني كل الصلاحيات في تعديل او حذف او اضافه وغيرها في مشاركاتي الماضية والمقبله ,,

اخوي : ابن منيديل : بيض الله وجهك على ردودك يالذيب
(( ارجوا منك ان لا تسرف في مدحي ))
تقبل حميع تحياتي ,,,,,,,

خلف الفريد 29-07-07 02:20 PM

رد: ترحـيـب ٍ من قــلب عـــز وســلامـــا
 
بسم الله

الاخ القسومي

انا اللي اعدل وانسق واتعب والشكر لابن نمران!!!!! فقط حمال الاسيه!!:)
هههههههههههههههههه
لكن يستاهل ابو ياسر والله يستاهل اخوي

صح لسانك ويستاهل المدح ابن حماد نسل الشيوخ الكرام:o
ونقول له مبروك مبروك الله يوفقه

لك حبي

القسومي 30-07-07 12:10 AM

رد: ترحـيـب ٍ من قــلب عـــز وســلامـــا
 
اخوي خلف الفريد
السراحة انواع الاحراج منك يكفي ,
الشكر للجميع ولك خاصة الشكر كله


الساعة الآن 09:16 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52