هذه القصيدة قصيدة الشاعر الكبير/ حمود بن محمد الفريدي
بمناسبة ترقية الرائــد / منصور بن محمد الوسوس الى رتبـة مـقـدم ..
اقام منسوبي قسم مرور قصيباء احتفاليه كبيره بهذه المناسبه
تليق بالمحتفى به وبالحظور من مشايخ وضباط وكبار المسؤولين والجمع الغفير

بديت باسم اللي بسط سبع باوتاد=وسبـــٍعٍ سمكهن فوق دون تعميدي
اللي يدير الملك بأمره ليا راد =والناس قسمها شقي وسعيدي
سلام تسليمة وفـا قلتها جاد= تضفي على الحضار دون تحديدي
الليلة الليلة تعد من الاعياد =لزم الحضور وزان نظم القصيدي
لي الفخر بمشاركة كل قصاد= في حد منطوق المباح المفيدي
اجد في واجب رفيقي ليا جاد =اللي بوقت الضيق ليّه رصيدي
مبروك يامنصور ياقرم الأولاد=يامسندي عند اللزوم وعضيدي
يااللي فعولك مع هل النعم شهّاد =افخر وتفخر بك بيوت النشيدي
المدح في منصور يصغى وينقاد =ويلوق باسمه كل بيتٍ فريدي
مدحٍ يقال وله تثابيت وسناد =ومدحٍٍ بليا فعل عيب وجحيدي
ماحد ينال المرجلة غير بجهاد =وانته اجتهدت ونلتها يالفريدي
ماهو غريب الطيب بأصحاب الأمجاد=في حاضر(ن)مشرق وماضٍ تليدي
من لابةٍ يافون بالماقف الحاد=اولاد راشد مقحمين الضديدي
الموت في مقدم ضعنهم ليا قاد =نطاحة الكايد كعام العنيدي
يردون حوض الموت بجموع وافراد =بمـصقلاتٍ يبترن الوريدي
على ظهور الهجن والخيل بالماد=تاريخهم مع القبايل مجيدي
واليوم في حكم الميامين الأسياد =في نعمة تشكر وعيشٍ رغيدي
هذا وصلى الله على خير من ساد=عداد ماتوم الهوا بالجريدي

الشاعر الكبـير/ حمود محمد الفريدي