مجالس الفرده - ولد امس ....

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - ولد امس .... (http://www.alfredah.net/forum/threads/alfredah39454/)

ولد امس ....

بسم الله الرحمن الرحيم

عندما تجتمع عناصر الألم :

الشيخوخة والمرض والفقر والفاجعة
يكون هذا حال الشاعر الكبير المكلوم ... ذعار بن قاعد الحربي
((( ولد أمس )))
الذي فقد وحيده ( احمد) فجاة في حادث سير مؤلم جداً ...
وبقي له زوجة مسنة وثلاث بناتٍ حسره
ولأن محبي ولد أمس كثر وشهرته معروفة وحقّه كبير على الكل خصوصاً في
هذه الظروف المبكيه ...
اهديه واهديكم هذه العبرات ..

‫قصيدة : خلف بن عتاق الفريد إلى ولد أمس&#

ياقايل (الدنيا عليه فضاها=اضوق من الابره على ناظم السلك)
تقولها يوم انت عايش رخاها=ماتدري ان ايامها سودٍ وحلك
اليوم جتك بضيقها مع بلاها=من يوم غاب اللي وجوده مجمّلك
راح الوحيد اللي بزوله تباها=الله يعينك في مصابك ويشملك
وياحرب يهل الجاه واهل الوجاها=ذعار حمله مايشيلنّه الفلك
الحيل هدّته السنين وغثاها=ومع المرض فقرٍ حمر عالكه علك
متأفلمٍ مع مرها عن حلاها=حتى السكن في غرفتينٍ ماهي ملك
ولّي (يانفسٍ غيضها من رضاها)=اليوم بان اللي حقيقه (امزعّلك)

كلمات
خلف بن عتاق الفريد
لامانع من نقل القصيدة ونشرها في كل المواقع
,,,,,,,,,,,,,,,,,,,,,,,,,,,,,,,,,,,,,,,,,,,,,,,
من اراد المساعده
الراجحي 252608010513674 سعد خصيوي الفريدي

رد: ولد امس ....

جزاك الله خيرا يا ابا عبدالعزيز
.
.

رد: ولد امس ....

صح لسانك ابوعبدالعزيز
والله يكون بالعون

رد: ولد امس ....

ابو عبد العزيز بيض اللة وجهك قصيد معبرة صح السانك

رد: ولد امس ....

الشاعر العلم ذعار بن قاعد الفريدي ( ولد امس )

شاعر غني عن التعريف تخطت شهرته حدود الوطن

والآن حالته صورها ونقلها لنا ابوعبدالعزيز من خلال هذه المقدمه والقصيده المعبره

جعلها ربي في ميزان حسناته

اللهم اجعل له من كل هماً فرجا ومن كل ضيقٍ مخرجا يارب العالمين

ابو عبدالعزيز صح لسانك وافي دائماً لاعدمتك

رد: ولد امس ....

قصيده تلامس مستوي الليله

ابوعبدالعزيز أنت الأبداع نفسه وشاعر المناسبه للقبيله

صح لسانك قصيده تستاهل الأشاده

والشاعر ولدأمس الله يعوضه خير في فقيده ويصبره بمصابه الجلل

كم تألمنا مثل ماتألم وألمه ألم القبيله

خلف الفريــــد

تقبل مني أجمل التحايا والأحترام والتقدير والف

شكر على لأضافه العطر

رد: ولد امس ....

اخوي
خلف الفريد
ولد امس الله يعوضه ويجبر عزاه بمصابه وانت ماقصرت
شاركته مشاركه وجدانيه لاهنت
تحيتي

رد: ولد امس ....

صح لسانك ابو عبد العزيز والله يجزاك خير

رد: ولد امس ....

صح لسانك وبيض الله وجهك أبو عبدالعزيز

وجزاك الله خيرا

رد: ولد امس ....

صح لسانك

يا ليت يقيمون اجتماع للفرده
وبليله وحده ينهون تعبه ان شاء الله
وانا اثق بالكلمه الي تقال من شيابنا ( الفرده قومتهم وحده )