مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   الى قطر ... نايف بن مياس (http://www.alfredah.net/forum/threads/alfredah39453/)

نايف بن مياس.. 27-04-13 03:15 PM

الى قطر ... نايف بن مياس
 

موجهه الى الشاعر ابراهيم النجيدي من قطر
.
.
لادندن الهاجوس والبال مرتاح=مثله معي يوم الضماير جريحه
مايختلف وقت التعاسه والافراح=من وين مالديت نفس القريحه
يشوش بي مع طاري الرمش ذباح=الفاتنه والناعسه والمليحه
واعزف لحون كنها الورق لاناح=لاميل الاغصان نسناس ريحه
وان كانها بمناطح الجوخ وسلاح=وجه المعادي تكتسيه الفضيحه
لاصاح في عال المراقيب صياح=سليت سيف ضايق في ضريحه
وان عودت لاهل المكارم والامداح=اهل الفعول الواضحات الصريحه
ياما حلا قدام طلات الاصباح=مع عودة انفوس العباد الطريحه
فوق الذي كنه على خف وجناح=فكسار به من سوبر ستار ليحه
اليا هوى مثل اشهب النجم لاطاح=وان راغ روغة ذيب قافيه صيحه
اليا تحرك من شمالي الاسياح=يطوي جراديب السهال الفسيحه
نقصر طويله بالسواليف وامزاح=ناصل قطر وانفوسنا مستريحه
منصاه بيت للمواجيب نطاح=تبطي ضروف التعريه ماتزيحه
هذاك ضاوي له وهذاك سراح=مدهال طلقين الوجيه الفليحه
يدلنا للبيت بنه ليا فاح=وصحون من عقب الذبيحه ذبيحه
ماهو محسب للخساير والارباح=مايذبح المترديه والنطيحه
نتايج التاريخ من جهد وكفاح=من لايح التاريخ محدن يميحه
بيت عليه من الكرم درع ووشاح=مثل العلم راعيه هباب ريحه
سلام مني عد مابارق لاح=طعم الشهد ومن البساتين ريحه
تنصى ابراهيم النجيدي بالالواح=الشاهد الله والنوايا صحيحه
خابرك يا ابراهيم فاهم ولماح=فيك الثقه والمعرفه والنصيحه
واستاذ في علم المعاني ونقاح=تصوغ جزلات البيوت الفصيحه
تمشي على درب التسامح والاصلاح=ماتسرجون الخيل مع كل ضيحه
والخير له مفتاح والشر مفتاح=والدين قدر الناس مايستبيحه
يعرف قدر هداج من ذاق الاملاح=لاشاف بيره مايروي نضيحه
وان كان تو مقيط برشاه لو لاح=ان طاح والله ماحسبنا مطيحه
مطلوب خير ولانقفيه باطماح=وحقوقنا من زل فيها نبيحه
هو جاس لو راعيه ماجا ولاراح=ينوب عني هاتفي والشريحه
.
.
نايف بن شليويح الحربي



















.

علي محيميد الفريدي 27-04-13 10:52 PM

رد: الى قطر ... نايف بن مياس
 
صح لسانك اخي نايف

قصيده جزله والجزاله غير مستغربه عليك

بنتضار رد النجيدي لك اطيب تحيه

نايف بن مياس.. 03-05-13 11:51 PM

رد: الى قطر ... نايف بن مياس
 
اقتباس:

المشاركة الأصلية كتبت بواسطة علي محيميد الفريدي (المشاركة 277338)
صح لسانك اخي نايف

قصيده جزله والجزاله غير مستغربه عليك

بنتضار رد النجيدي لك اطيب تحيه

هلابك ياعلي محيميد الفريدي
صح بدنم شرفني مرورك

عبدالله حمد الفريدي 06-05-13 06:44 PM

رد: الى قطر ... نايف بن مياس
 
صح لسانك يابن مياس
على القصيده الجزله لاهنت


الساعة الآن 10:53 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52