مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   من غاب عنا مقدرين انشغاله (http://www.alfredah.net/forum/threads/alfredah39451/)

غازى بن عجاب أبوزوايد 25-04-13 05:28 PM

من غاب عنا مقدرين انشغاله
 
مصافحه اولى من الشاعر حربي بن بجاد بن عطيه






الحمد للي فارضٍ خمس الاركان=ربٍ خلقنا وانفرد في كماله
اللي اعتلى عرشه على كل الاكوان=يالله تجمل من عليك اتكاله
يامرحباترحيب من قلب ولسان=اهلاهلا والطيب فاحت دلاله
وغنيت طاروق القوافي والالحان=والقاف وجه يم غازي رحاله
ردي على الابيات عذبات الاشجان=اللي يغذيها النقاء والجزاله
من شاعرٍ فبحور الاشعار ربان=لاهب نسناس الهبوب ارتكاله
جاب الجواهر عقد لولو ومرجان=عقدٍ من الياقوت يبهر جماله
صح الله لسانك ولاهنت ياحصان=ماينصف التاريخ غير العداله
حيثك ولد عجاب حماي الاضعان=يوم المغازي بيرق العز ناله
ابوزوايد يومها خيل وسنان=صميدعٍ درب المعالي سعاله
عجاب فزعاته على الطيب برهان=متوارثٍ طيب العمام وخواله
يعل قبره من سماء الغيث ودان=يبطي على ذيك المنازل خياله
واكرر الترحيب واجب وعرفان=بأهل الوفاء وأهل الظفر والاصاله
اللي حضرو للحفل من كل الاوطان=عزالله انا نعترف بالجماله
ترى حلات الرجل لافرع وبان=يلقى بني عمه وربعه قباله
حي الله العزوه شبابٍ وشيبان=عيال راشد للوفاء والرجاله
بقيادة الحماد للمجد عنوان=شيوخنا اهل الكرم والنفاله
شيوخ نسل شيوخ من نسل قحطان=على سنام المجد في كل طاله
تاريخهم معروف من دور الاكوان=يومنها صحراء وظلم وجهاله
قبل الدول تصبح عواصم وبلدان=ولايامن الرجال حاله وماله
فرسان يوم الخيل بسروج وارسان=يوم الضعيف يعيش ويموت عاله
فزعاتهم تجلي عن القلب الاحزان=مافيهم اللي ماتذري جباله
نحبهم والله على كل خوان=ولعيونهم كل يطوح عقاله
عسى تعل ديارهم غر الامزان=ويضفي على ذيك المرابع زلاله
واشكر جميع اللي تعنو والاعيان=ومن غاب عنا مقدرين انشغاله
وصلو على اللي حطم كبار الاوثان=نبينا المبعوث بأعظم رساله




وســــــــــــلامتكم

عبدالعزيز العبلان 26-04-13 02:23 AM

رد: من غاب عنا مقدرين انشغاله
 
صح لسان الشاعر حربي بن بجاد

وافي وعادته الوفاء ..رد جزل وعادتكم الجزاله

لاهنت على النقل يابوفيصل

تحيتي وتقديري لك

علي محيميد الفريدي 26-04-13 05:55 AM

رد: من غاب عنا مقدرين انشغاله
 
صح لسان الشاعر حربي قصيده جزله من جزل شكراً لك على الاضافه يابوفيصل

غازى بن عجاب أبوزوايد 26-04-13 12:55 PM

رد: من غاب عنا مقدرين انشغاله
 
اقتباس:

المشاركة الأصلية كتبت بواسطة عبدالعزيز العبلان (المشاركة 277306)
صح لسان الشاعر حربي بن بجاد

وافي وعادته الوفاء ..رد جزل وعادتكم الجزاله

لاهنت على النقل يابوفيصل

تحيتي وتقديري لك










اخوي
عبد العزيز العبلان
نيابة عن حربي بن بجاد اشكرك على المرور والاشاده
لاهنت ودام وجودك وتواجدك
تحيتي

ابو راكان 26-04-13 11:47 PM

رد: من غاب عنا مقدرين انشغاله
 
صح لسان الشاعر. ومشكووووور يا ابو فيصل على النقل

علي الجضعان 26-04-13 11:55 PM

رد: من غاب عنا مقدرين انشغاله
 
ابوفيصل

تستاهل وكفو وبن كفو ولاهو غريب ولاجديد عليكم المدح أنتم أهله


وصح لسان الشاعر حربي بن بجاد العطيه
الفريدي
قصيده جزله بمن يستحق الثناء

بعد الله سبحانه

والف شكر على الأضافه العطره والمميزه والمجالس يشرفها هذا النوع

من الشعر بمدح عيال راشــــــد

تقبل مروري وأجمل وأرق التحايا والأحترام

عبدالله حمد الفريدي 27-04-13 12:09 AM

رد: من غاب عنا مقدرين انشغاله
 
صـح الله لسانـك ولاهـنـت ياحـصـان
مايـنـصـف الـتـاريــخ غــيــر الـعـدالــه
حيثـك ولـد عجـاب حمـاي الاضـعـان
يـــوم الـمـغــازي بــيــرق الــعــز نــالــه
ابــوزوايـــد يـومــهــا خــيـــل وســنـــان
صــمــيــدعٍ درب الـمـعــالــي ســعــالــه
عجـاب فزعاتـه علـى الطـيـب بـرهـان
مــتـــوارثٍ طــيـــب الـعــمــام وخــوالـــه


المصدر : من غاب عنا مقدرين انشغاله - مجالس الفرده http://www.alfredah.net/forum/thread...#ixzz2Rbb5Spgl

ما اجملها من مصافحه

وصح لسان ابن عطيه مليون على القصيده الجزله وفى وكفى بيض الله وجهه

وانت تستاهل النعم ورد الجميل يابوفيصل ومن رجال لهم صيت في الكرم والشجاعه وعلوم الرجال

شكراً على الاضافه الجزله لاهنت

خلف الفريد 27-04-13 09:29 PM

رد: من غاب عنا مقدرين انشغاله
 
نعم هي الأولى شعراً
"
لكن في الحقيقة مصافحة ابو عبدالله الاولى هي تلك التي كانت
في استقبالنا هناك هو وابناء عمه الكرام وتلك الحفاوة الاسطورية...
:
صح لسان ابو عبدالله وارث الطيب والشعر
"
وسلمت ابا فيصل على جمال النقل , وتستاهل ان يكون رد الوفاء
بمثل هذا الوفاء والجزالة
,,,
كل المحبة والتقدير والثناء لمقاميكما
..........

غازى بن عجاب أبوزوايد 30-04-13 07:04 PM

رد: من غاب عنا مقدرين انشغاله
 
اقتباس:

المشاركة الأصلية كتبت بواسطة علي محيميد الفريدي (المشاركة 277309)
صح لسان الشاعر حربي قصيده جزله من جزل شكراً لك على الاضافه يابوفيصل








اخوي
علي محيميد الفريدي
نيابة عن الشاعر حربي بجاد اشكرك على المرور والاشاده
تحيتي

غازى بن عجاب أبوزوايد 30-04-13 07:06 PM

رد: من غاب عنا مقدرين انشغاله
 
اقتباس:

المشاركة الأصلية كتبت بواسطة ابو راكان (المشاركة 277319)
صح لسان الشاعر. ومشكووووور يا ابو فيصل على النقل









اخوي
ابو راكان

نيابة عن حربي بن بجاد اشكرك على المرور والاشاده
لاهنت ودام وجودك وتواجدك
تحيتي



الساعة الآن 12:27 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52