مجالس الفرده - الكامل الله والتصنع جهاله

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - الكامل الله والتصنع جهاله (http://www.alfredah.net/forum/threads/alfredah39442/)

الكامل الله والتصنع جهاله

ايها الاخوه يوم الاربعاء الموافق 7/6/1434هـ
حضرت زواج اخوي سامي بن ملفي بن ماجد بن عطيه بالكويت
وقلت هذه القصيده بهذه المناسبه ارجو ان ترتقي لمقامهم وتنال رضاكم

بسم الله الرحمن علام ماكان=الواحد الفرد الصمد ذالجلاله
جلا جلاله خالق الانس والجان=ربٍ كريم وكل حيٍ يساله
اسألك يارحمن ياعالي الشأن=انك تجمل شاعرٍ جا مجاله
ملفٍ على ربعٍ بني عم واخوان=ولهم عليّه حق كلٍ لحاله
آل العطيه من قديمات الازمان=اهل الظفر واهل الكرم والشكاله
ربعٍ الى ركبو على الخيل شجعان=كم شيخ قومٍ شاركوه بحلاله
يومنها توخذ على سنان وعنان=عدوهم بالكون يشكي خماله
وكل العرب تذكر شجاعة ضعيان=شجاعته من طيب عمه وخاله
وماجد ولد مقحم له الطيب عنوان=اللي على الطولات ربى عياله
وبالمدح ماني ناسين طير حوران=بجاد والله ماتعدد خصاله
نعمٍ بهم فرسان وعيال فرسان=بنحورهم من طاح عزي لحاله
عبرت عن ماكان في قدر الامكان=واعود للحاضر وشوفو رجاله
حاضرهم الناصع يشاهد بالاعيان=ومن لايشوفه ماتفيد الدلاله
ولاهم بحاجة مدحة فلان وفلان=ورثٍ لهم ماجالهم بالسهاله
مورثين الطيب شيبٍ لشبان=من ماضي الدنيا وسابق لياله
هذا وانا من المملكه جيت عجلان=للي إينومس كل منهو عناله
خالد ولد ملفي سلايل كحيلان=اشاركه في فرحته واحتفاله
دافع وفى له جيت شفقٍ وفرحان=باول شهر سته بسابع هلاله
وابارك لسامي عضيدي بليهان=مبروك ثم مبروك والخير فاله
ونعم النسب ناسب لذربين الايمان=سلالةٍ ياطيبها من سلاله
ذولا حمول الخيل في كل ميدان=يرسون لاركب الرشاء للمحاله
تاريخهم يشهد بروغات الاذهان=يوم المشوك والثميدي ضلاله
ونيابة عن راعي الحفل لاهان=ارددالترحيب فيكم بداله
هلا هلا ماشع نورٍ ومابان=وعداد ماهل المطر من خياله
وارجو السموحه كان بالقول نقصان=الكامل الله والتصنع جهاله
تمت وصلى الله على نسل عدنان= نبينا المعصوم والصحب وآله

وسلامتكم