خلوني استانس مع البر واجول=يفضي به المشحون عما اباله
سج القدم في مهمن تو مسيول=متعاقبن فيه الزهر من جماله
خال(ن) من الاوناس مابه ولا زول=إلازعاجيل القطا في سهاله
بيمنك نشمين على الطيب مجبول=قولت نعم ميراث جده وخاله
اخير من مجلس مساكين وخبول=هتول الرجال اللي تشيل النقاله
مالي ومال مجالسة كل مهبول=شجعان الالسن جاحدين الجماله
البعد عنهم هو دوا كل معلول=لو كان يشري بعدهم من حلاله
ومن لايجيد القول يبعد عن القول=قبل انتقاد الناس يترك مجاله

(حمود محمد الفريدي)