مجالس الفرده - مابعد مرسول ربي محمد جاء نبي

بسم الله الرحمن الرحيم
السلام عليكم ورحمة الله وبركاته اسعد في تقديم هذه المشاركة ونأمل أن تحوز على رضاكم

ياحبيبي تدري أش كثر حبك بالضمير
وكان ما تدري على الحرام انك غبي
من هو اللي غيرك بيوت القصائد به تحير
ومن لغيرك حن قلبي ياغاية مطلبي
والله أن القلب مازال فى حبك أسير
ياغناتي راس مالي بعد يامكسبي
اتصبر والصبر يازين وضعه مستدير
والليال العوج ماجت على اللى له نبي
مابعد هالزير سالم سمعنا صار زير
ولابعد مرسول ربي محمد جاء نبي
وانت تدري بعد غيبتك يالغرو الصغير
ضايقٍ بالي وياشين عقبك مذهبي
من يحاول يصبح بحبك ياحبيبي خشير
تقضي إعمار السنين وهو فى الدرب يحبي
مير عجل فى وصالك وبادر فى المسير
حن قلبي عقب فرقاك ثم زاد تعبي
حبك اللي ماسمعت الرأي فيه ولا الشوير
والعفون مروجين الهرج يازين تهبي
الغلا لك بالضماير على بابه خفير
وان نسيتك قبل تنساني تراها بشنبي

الشاعر & راكان سعود الفريدي