مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   ((((( فــــــوزك بابن فخـــري لنا فـــــــووووووز ووشـــــــــاح )))))) (http://www.alfredah.net/forum/threads/alfredah39183/)

هابس العلوي 13-01-13 01:15 AM

((((( فــــــوزك بابن فخـــري لنا فـــــــووووووز ووشـــــــــاح ))))))
 
قصيده لاخي الشاعر عوض ناصر الحربي
القاها بحفل اخينا فرج فخري بمناسبة فوزه بالحمر بجائزه الملك عبدالعزيز لعام 1434هـــــ وابو تركي يستاهل اكثر ........


================================================== ===


ســلام والليله تباشــير وافراح=ليلة فرح يفخر بها من حضــرها
تقول يغشاها من النور مصباح=حتى جوانح ليلها ماســــترها
يشق بارقها كما البرق لا لاح=برق المزون اللي غزير ٍ مطــرها
الليل ياجمهور خلوهـ صــــباح=شايش ولي نفس ٍ تزايد فخرها
من الطناخه تقل يرفعني اجناح=طايلة ٍ رقبتي على من شــبرها
ابي تفاعل جـــد مـــاني بمزاح=ترى الرجال تقيسني في نظرها
انتم عليكم صفقة الراح بالــراح=وانا علي من الجواهــر دررهـــــــا
زومة بحر ماهي مسايل وضحضاح=ابحرت بالغبه بغبة بحـــرهــــــا
كل المجايد والقصايد والامــــــــداح=يفداكم اللي عن ربوعه ذخـــرها
نضمت لي من عقد الالماس مسباح=يعم معناها ماني مختصــــرهـــا
ياحــرب عادتكم مــــن انجاح لنجــاح=من يعتزي فيكم على فوزهــ ارهــا
تــرى تكــاتـفــكــم للافــراج مفتـــاح=مواقف الطولات نجني ثـمرهـا
يامـــرخصين الــمــال منتم بشحاح=ترى الحويفي بادرتكم شــــكرها
يشكر قبايل حـــــرب معتقة الارواح=صوته يعم شيوخــــهـا مــــع جبرها
يامبشرّين ٍ بالـــفـرح بــعــد الاتـراح=بالفزعه اللي كل واحد خبرهــا
خالد تبشر بالســـعــد والـكـدر زاح=قضيته مادار فيها شــهرها
والله قبيلة عز وامجـــاد واصـــــــلاح=واللي يعد امجادهــا ماحصـرها
كتبت من باب التفاخــر والايضـــــاح=وانا مواصــل رحلتي في ســفرها
وارست على شاط المراجل والافلاح=فرج مقر الطيبه ومحكرهـــا
فوزك يابن فخري لنا فوز ووشــــــاح=قدت السفينه في طريق معبرهــا
دســت المعارك مانت راعي تصفاح=من سـاس قوم ٍ تنعرف في ســطرها
اهل كرم جيره واهل سيف ورمــاح=يوم السنين اللي تقادح شررها
هذا فرج رجـل ٍ للامــجــاد طـــماح=رفع عــلم قبيلته بمحضرها
ماهــو محسب للخســاير والاربــاح=ماهمته دنيا الفنا لو خســــرها
شرى بها حمر ٍ اليا جات طفــــــاح=من يعترض بنحورها ماقهــــرها
تقول تشعـاهــا بـغــارات وصـــــياح=ماتنظر اللي قدمها من ســكرها
يم السـما تنظر تـقـل تنظر اشباح=والا تخيل في محيطه اصورها
اسبالها شــبرين ووجيهها اسماح=واسنامها متسندهـ من وعرها
واللون لون الشمس مع وقت الاصباح=والا مثل لون ال أدامي وبرها
حمر ٍ حداريات واشعافها مــــــــــلاح=متخالط ٍ سوادها مع حمرها
حم الشعاف مهيضّة كـــل مصــــلاح=تاطا على كبد الحسود أبضررها
لاعرضت قدم المنصه بمســـــــناح=ترمي لها عشاقة البل غترهــا
تجيك ملتمه ماهي فرق وطيــــاح=الى بطح راع الذلول ونهــــــرهــــا
تمشــي على كل المراكز وتجتاح=الفوز قدم نحورها ماعســـرهـا
واللجنه اللي منتهى صدق وانصاح=تشــر عليها وتعقد مـؤتـمـــرهــا
خــلـــو منافـســها يخّير ويرتــــــاح=وش له يزاعم حاجة ٍ ماقدرها
=======================================


وسلامتكم / تحياتي وتقديري للجميع

عبدالله حمد الفريدي 13-01-13 04:46 PM

رد: ((((( فــــــوزك بابن فخـــري لنا فـــــــووووووز ووشـــــــــاح ))))))
 
صح لسان الشاعر
عوض ناصر الفريدي قال ووفى عاداته ابوماجد
وابو تركي يستاهل الفوز الله يوفقه
والف شكر ابوعبدالله على الاضافه لاهنت

نايف بن مياس.. 15-01-13 05:22 PM

رد: ((((( فــــــوزك بابن فخـــري لنا فـــــــووووووز ووشـــــــــاح ))))))
 
صح لسااااااانن عوض ناصر بيض الله وجهك ياهابس

ابويزن الفريدي 15-01-13 09:21 PM

رد: ((((( فــــــوزك بابن فخـــري لنا فـــــــووووووز ووشـــــــــاح ))))))
 
صح لسان الشاعر ناصر بن عوض


مشكور اخ هابس العلوي

هابس العلوي 31-01-13 04:16 AM

رد: ((((( فــــــوزك بابن فخـــري لنا فـــــــووووووز ووشـــــــــاح ))))))
 
منوريّن يالغاالين ومشكورين مروركم للمتصفح

شــرف كبير تحياااتي وتقديري

ابـن مـطـيـع 09-02-13 09:27 PM

رد: ((((( فــــــوزك بابن فخـــري لنا فـــــــووووووز ووشـــــــــاح ))))))
 
صح لله السانه وصح الله بدنك على النقل


الساعة الآن 11:59 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52