سلام مني للجميع سلام=سلام مني قبل اقول كلام
سلام من شخصٍ سليمن بمنهجه=بداء بالتحيه والسلام إشمام
سلامي على ربعي بنيخي مسندي=ربعن رقوا للطايلات سنام
اولاد راشد تذكر القوم فعلهم=للشر شر وللكرام اكرام
بقيادة الحماد بالطيب والسطر=مدعين جمع العايلين هدام
قولن على فعلن موثق بمصدره=تاريخهم يشهد جنوب وشام
لو كنت اشوف اليوم ناسٍ مشككه=ويولفون من الكلام افلام
انكار الحقائق كيف يلغي وجودها=كفو ترى هذي أضغاث احلام
والهمز هو اللمز ماهوب منهجي=لواني ايدام في مكان ايدام
انا وانا غازي قديمي وحاضري=يشهد ولا اخذلي سلاح اعلام
واللي هرج فيّه وبالغ بغيبتي=خفّاش ليلٍ مع طيور ظلام
نمام والنمام ماهوب هامني=الجمّه لاجا الصحيح الجام
ولاهوب ناقصني لو ابين اسمه=وجهه سويد ولا علي ملام
لاشك هذا انذار لعل ينتهي=وان ما انتهى يحرم عليه منام
والله لاخليه شاره لبندقي=واعلقه من بين حام وسام
ليننه يعض ابهام كفه من الندم=وقد قيل ماحين عليها دام

المشاركة الأصلية كتبت بواسطة هابس العلوي (المشاركة 275646) قصيده جزله من شاعر جزل ولاهي غريبه الجزاله ولا يصح الا الصحيح ونعم باولاد رااااشد للشر شـــر وللكراااام كرااااااام اشهد بالله هذا الصحيح تحياتي وتقديري .....

اخوي
الشاعر القدير هابس العلوي
الجزاله مرورك العاطر واشادتك الغاليه وماعليكم زود يابو عبدالله
لك كل الشكر والتقدير
تحيتي

المشاركة الأصلية كتبت بواسطة ابوحمد (المشاركة 275650) صح لسانك ابو فيصل وفيت وكفيت ونعم بالمادح والممدوح قصيده جزله من شاعرٍ جزل تحياتي لاهنت

اخوي
المراقب ابو حمد
اشكرك لك مرورك الراقي والاشاده الغاليه
تحيتي