|
فعله يشرف حرب في كل ميدان ... وحقه على الحربي ليا حل طاريه الشاعر محمد بن حمد بن شعيبان شاعر يمتاز بجزالة الشعر وقوة المعاني له مواقف مشرفه في كل المناسبات اللتي يحضرها وإليكم هذا النص الجديد من جديد ابو فهد ابتهاجاً بشفاء الشيخ عليان الطهيمي نسأل الله ان يتم عليه الصحة والعافيه ياعلي ابن عبدالله ابن دبيان=اسمع كلامي زين وافهم معانيه وصل سلامي لطهيمي عليان=ان كان جيته ياعلي قبل ماجيه قله يقول محمد ابن شعيبان=طهور ماصابه عسى الله يعافيه ننشد عنه ونتابعه كل الاحيان=ونطلب عسى رب المخاليق يشفيه رمز(ن) من رموز القبيله بليهان=تذكر معاريفه وتشكر مساعيه من زود قدره عند ذربين الايمان=كن مرضه نصف القبيله تعانيه لنه بنا مجداً على مر الازمان=مافيه مجد(ن) بالجزيره يضاهيه مجداً حقيقه مايقدر بالاثمان=كلن على الواقع يشوفه ويوحيه بمزاين ام رقيبه علومه سمان=مواقفه جزله تشرف عوانيه المجلس اللي شيده خير برهان=سوا مضيفاً نادر اللي يسويه وحقق نجاحاً فوق تصوير الاذهان=في نخبة النخبه عسى الله يهنيه نعد فعلٍ قدمنا شوف الاعيان=غير عملٍ خيري عن الناس يخفيه فعله يشرف حرب في كل ميدان=وحقه على الحربي ليا حل طاريه يرجيله التوفيق من قلب ولسان=ويثني على حاضر رفيقه وماضيه ويجيبله دره ولولو ومرجان=من غبة افكاره ليا صار يغليه وبيت القصيده مثل ماقال راكان=اللي يعرف العلم ماتبتحل فيه واللي يفكر يرضي الناس غلطان=المجتمع لو تجتهد منت مرضيه |
رد: فعله يشرف حرب في كل ميدان ... وحقه على الحربي ليا حل طاريه يستاهل ابو فواز والله يتمم له الصحه والعافيه وصح لسان الشاعر ابو فهد .... وتسلم اخي ابو حمد ع النقل الجميل ...تحياتي للجميع |
رد: فعله يشرف حرب في كل ميدان ... وحقه على الحربي ليا حل طاريه صح لسان أبو فهد قصيده جدآ رائعه والحمد لله على سلامة الشيخ عليان الطهيمي أحد رموز القبيله ومن قام بتشريفها في أم رقيبه ويستاهل المدح ولاهنت يابو حمدعلى الأضافه |
رد: فعله يشرف حرب في كل ميدان ... وحقه على الحربي ليا حل طاريه ابو فواز يستاهل الطيب والحمدلله على سلامته صح لسآن الشاعر قصيده رآآآئــعه وأبيآتهآ جزله أبـــدآآآآع بمعني الكلمه ابو حمد بيض الله وجههك وتسلم يمنآك الله لايهيينك....ْ~ |
رد: فعله يشرف حرب في كل ميدان ... وحقه على الحربي ليا حل طاريه اخوي هابس العلوي شكراً على المرور والرد الراقي لاهنت |
رد: فعله يشرف حرب في كل ميدان ... وحقه على الحربي ليا حل طاريه اخوي عيسى بن حمير تشرفت بمرورك الراقي لاهنت |
رد: فعله يشرف حرب في كل ميدان ... وحقه على الحربي ليا حل طاريه الطرف الخجول شكراً على المرور الرائع والتواجد المميز تحياتي |
رد: فعله يشرف حرب في كل ميدان ... وحقه على الحربي ليا حل طاريه يستاهل أبو فواز ,, ونعم بالمادح والممدوح صح لسان ابن شعيبان ولا هنت يا ابو حمد على النقل |
رد: فعله يشرف حرب في كل ميدان ... وحقه على الحربي ليا حل طاريه ماعليك زود اخوي فهد الف شكر على المرور لاهنت |
| الساعة الآن 03:58 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir