مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   قصيده لشاعر محمد بن شعيبان في حفل تكريم الدكتور/ ساير بن سدحان الفريدي (http://www.alfredah.net/forum/threads/alfredah38961/)

عبدالله حمد الفريدي 04-12-12 05:18 PM

قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
قصيده لشاعر المعروف
محمد بن حمد بن شعيبان الفريدي
تعودنا من ابو فهد الجزاله في شعره وافعاله ومواقفه المشرفه
وقد قال هذه القصيده في حفل السداحين لتكريم ابنهم سعادة الدكتور
ساير بن راشد بن سدحان الفريدي الحربي



ذكر الذي يعلم خفاء كل هوجاس=مفتاح بيبان البيوت الثمينه
يامرحبا قدر ومعزه ونوماس=باهل الوفا الوافين عرف وضغينه
في محفلٍ مال الوفي عنه مجلاس=اللي يقدر كل واجب بحينه
معنى كلامي يدركه كل حساس=من له ضروفاً تمنعه عاذرينه
والحربي اللي سمعته ترفع الراس=اللي مثل ساير بسلمه ودينه
يستاهل التكريم والدرع والكاس=دكتور طب وعلم سلمت يمينه
شبلٍ طلع لطايله طلع قرناس=العز في وجهه وكفه وعينه
نقولها كلمت وفاء مثل الالماس=باسم العقول النيره والرزينه
شكراً يابو سلطان ياطيب الساس=فيك الوطن يعتز ومواطنينه
زودن على انا نفتخر بك مع الناس=واسمك على وضح النقاء شاهرينه
فعلك فخر لناس من كل الاجناس=العالم اجمع كلهم ميدينه
يقدره من عنده شعور واحساس=اثلجت فيه صدور ناساً حزينه
بشرا لمرضاً فوقهم خيم الياس=اعلاجهم ماله بالاوطان عينه
قبل اختراعك وضعهم شبه منحاس=لو الامل بالله ماهم فاقدينه
مايذكر انجازاً على انجازك إيقاس=بالعالم الحاضر ولاسابقينه
اسمك باحرف من ذهب يم تكساس=روس الاطباء بالامم ناحتينه
ولا أغروك بالدنياء بعيدين الارماس=والمال والتجنيس لك ظامنينه
رفضت عرضاً كالذهب مابه انحاس=فضلت عنه ام القرى والمدينه
رديت كلمه واضحه بين الاقواس=من لايناصر ديننا مانعينه
ومن طيب راسك ماتبي راسك إيراس=لن العلاقه بالمعزه متينه
على مثل ماقالو العرق دساس=جاذبك راشد جعل تبطي سنينه
خلد لك التاريخ بصمه ونبراس=قدر و وفاء طول اليال بجبينه
وفقك من بيديه تصريف الانفاس=اللي ومر عبده بخرق السفينه
وصلوعلى اللي فوق راس الجهل داس=في سنةً غرا شريفه ثمينه

فزااااع 04-12-12 07:30 PM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
صح الاسااااانك يابو فهدويستاااااهل الدكتور ساير هذى القصيدة الجميلة

علي الجضعان 04-12-12 08:42 PM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
يستاهل الدكتور سائر الفريدي

وصح لسان محمد بن شعيبان الفريدي

ابوحمد تشكراتي على الأضافه

عبدالله حمد الفريدي 05-12-12 12:43 AM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
صح بدنك يابو ريان سعدت بمرورك لاهنت

عبدالله حمد الفريدي 05-12-12 12:51 AM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
ابو عمر الف شكر على المرور والرد الرائع لاهنت

عيسى ابن احمير 05-12-12 11:23 PM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
صح لسان أبو فهد

قصيده جزله ورائعه

ويستاهل الدكتور:ساير الفريدي فخر كل القبيله صاحب الأنجاز العلمي

أبو حمد لاهنت على الأضافه يعطيك العافيه


الطرف الخجول 07-12-12 12:10 PM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
صح لسآن الشاعر القدير
قصيده رآآآئــعه وأبيآتهآ جزله
أبـــدآآآآع بمعني الكلمه

ابو حمد
بيض الله وجههك وتسلم يمنآك
الله لايهيينك....ْ~

عبدالله حمد الفريدي 10-12-12 11:23 PM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
ابو عبدالله
سعدت بمرورك لاهنت ياغالي

عبدالله حمد الفريدي 10-12-12 11:25 PM

رد: قصيده لشاعر محمد بن شعيبان في حفل تكريم الدكتور/ ساير بن سدحان الفريدي
 
الطرف الخجول الف شكر على المرور والتواجد الرائع


الساعة الآن 12:19 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52