مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي (http://www.alfredah.net/forum/threads/alfredah38911/)

عبدالله حمد الفريدي 30-11-12 04:43 PM

قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
قصيده لشاعر المبدع عبد العزيز السدحان
في حفل اسرة السدحان لتكريم ابنهم الدكتور ساير بن راشد الفريدي



العلم يبني بيوتاً لاعماد لها=والجهل يهدم بيت العز والطوله
وشلون لاصار علم وبيتٍ مشيد=له في دروب المراجل صوله وجوله
عزالله انا جمعناها وطلناها=لو إنها حاجةٍ ماهي بمطيوله
الطيب موروث في ربعي من اجدادي=رجالهم وافيٍ في فعله وقوله
والعلم ساير ولد عمي تكفل به=خلى هل العلم يوم العلم مذهوله
انجز له انجاز حيرهم ونومسنا=لين بصموله على العشره وصفوله
وإنجازه اللي نماريبه ونفخربه=من قبل يحسب لنا محسوب لدوله
العبقري المحنك يسلم دماغه=حل حل له معادله ماهي بمحلوله
عباقره يجهلون المسأله قبله=ومن عقب ساير غدت ماهي بمجهوله
صحيت لك هاجسٍ كد مل من شعره=لاطير النوم عني قلت وشوله
واليوم ماني بنايم لين اكملها=ان كان ماني بلك سهران منهوله
يحق لي يوم اقول الشعر في ساير=طالب يعلم اساتذته من فعوله
لو حوله الناس تدرس مثل مايدرس=الحق ينقال والله ماهم بحوله
بينه وبين اقرب منافس من اقرانه=دربٍ يبي يتعب اللي يسلكه طوله
لنا الفخر والفضل لله ثم لواحد=اللي له الفضل بعد الله بوصوله
عمي عسى الله يطول في عمر عمي=اللي على الطيب قبله متعب رجوله
الطيّب اللي ماهو متصنعٍ طيبه=نفسه على طيب الاخلاق مجبوله
من جد قالو وجد واللي زرع مخلص=يبيض الله وجهه يوم محصوله
وختامها باقيٍ لي بيت لاقلته=على وجيه الحضور يبين مفعوله
ترى الوفاء والصخاء والطيب والخوه=والاصل والفصل هذي تعتبر جوله
والعلم والمعرفه والبحث وفنونه=مع ذيك ماتجتمع في يسر وسهوله
لاتعقل الجمع لاكنا جمعناها=لو إنها حاجةٍ ماهي بمعقوله

غازى بن عجاب أبوزوايد 30-11-12 06:07 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
صح لسان الشاعرالقدير
عبدالعزيزبن سدحان
ويستاهل المدح الدكتور النابغه ساير بن سدحان
ولاهنت اخوي ابو حمد على الايراد والنشر الجزل
تحيتي

عبد الله زمل 30-11-12 06:30 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
مبدع ي أبو عآصم قصيدة وافية وجزلة دمت مبدعاً
ويستآهل الدكتور أبو سلطاآن ومن إنجاز إلى إنجاز دمت فخراً للقبيلتك
ولاهنت ي أبو حمد على النشر وتقبل مروري

علي محيميد الفريدي 30-11-12 10:06 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
إنجازه اللي إنماريبه ونفخربه

من قبل يحسب لنا محسوبن إ لدوله

صح لسان الشاعر عبدالعزيز ابن سدحان


على هذه الدره الثمينه والدكتور ساير يستاهل

شكراً لك اخي ابوحمد على الاضافه

الطرف الخجول 30-11-12 10:17 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 

صح لسانالشاعر عبد العزيز
ابو حمد
يعطيك العافيه
ابدعت بطرحك
تحياتي لكـ




منصور الوسوس 30-11-12 10:24 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
لاهنت يبو حمد بيض الله وجهك على النقل
صح لسان الشاعر يستاهل الدكتور ساير

؛؛ فهد الفريدي ؛؛ 01-12-12 09:02 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
اقتباس:

المشاركة الأصلية كتبت بواسطة ابوحمد (المشاركة 274515)
قصيده لشاعر المبدع عبد العزيز السدحان
في حفل اسرة السدحان لتكريم ابنهم الدكتور ساير بن راشد الفريدي



العلم يبني بيوتاً لاعماد لها=والجهل يهدم بيت العز والطوله
وشلون لاصار علم وبيتٍ مشيد=له في دروب المراجل صوله وجوله
عزالله انا جمعناها وطلناها=لو إنها حاجةٍ ماهي بمطيوله
الطيب موروث في ربعي من اجدادي=رجالهم وافيٍ في فعله وقوله
والعلم ساير ولد عمي تكفل به=خلى هل العلم يوم العلم مذهوله
انجز له انجاز حيرهم ونومسنا=لين بصموله على العشره وصفوله
وإنجازه اللي نماريبه ونفخربه=من قبل يحسب لنا محسوب لدوله
العبقري المحنك يسلم دماغه=حل حل له معادله ماهي بمحلوله
عباقره يجهلون المسأله قبله=ومن عقب ساير غدت ماهي بمجهوله
صحيت لك هاجسٍ كد مل من شعره=لاطير النوم عني قلت وشوله
واليوم ماني بنايم لين اكملها=ان كان ماني بلك سهران منهوله
يحق لي يوم اقول الشعر في ساير=طالب يعلم اساتذته من فعوله
لو حوله الناس تدرس مثل مايدرس=الحق ينقال والله ماهم بحوله
بينه وبين اقرب منافس من اقرانه=دربٍ يبي يتعب اللي يسلكه طوله
لنا الفخر والفضل لله ثم لواحد=اللي له الفضل بعد الله بوصوله
عمي عسى الله يطول في عمر عمي=اللي على الطيب قبله متعب رجوله
الطيّب اللي ماهو متصنعٍ طيبه=نفسه على طيب الاخلاق مجبوله
من جد قالو وجد واللي زرع مخلص=يبيض الله وجهه يوم محصوله
وختامها باقيٍ لي بيت لاقلته=على وجيه الحضور يبين مفعوله
ترى الوفاء والصخاء والطيب والخوه=والاصل والفصل هذي تعتبر جوله
والعلم والمعرفه والبحث وفنونه=مع ذيك ماتجتمع في يسر وسهوله
لاتعقل الجمع لاكنا جمعناها=لو إنها حاجةٍ ماهي بمعقوله




صح اللسان الشاعر / عبد العزيز السدحان على هذه الفاخره



واااااافيه من راس وااااافي



ويستاهل الدكتور / ساير بن راشد الفريدي



من جد وجد ومن زرع حصد


نبارك له


على هذا الانجاز الكبير ولنا الفخر بذلك ماشا الله تبارك الله


وفقه الله لما فيه خير في دينه ودنياه


لاهنت يابو حمد على النقل الجميل



دمتم بخير

فهد الطميشاء 01-12-12 09:34 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
صح لسان الرائع / عبدالعزيز السدحان .. سمعت القصيدة منه مباشرة ..

كانت من أروع القصائد التي أُلقيت بالحفل ..

صح لسانك يا عبدالعزيز .. ونتمنى أن نرى قديمك وجديدك ..

كل الشكر والتقدير لك ابو حمد

مرزوق بن محمد 02-12-12 01:21 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
صح لسان الرائع والأجمل والأرقى والآفضل أخي / عبدالعزيز بن راشد قصيدة رائعة وختامها أبيات من ذهب وكان لي شرف الحضـــور لحفــل الدكتور/ ساير الفريدي ( وفقه الله ) ,
والشكر لأخي الغالي / أبو حمد على إيراد تلك المعلقة وفق الله الجميع .
وتقبلوا مروري

نفال الدهيليس 02-12-12 02:33 PM

رد: قصيدة الشاعر عبدالعزيز بن راشد الفريدي في حفل تكريم الدكتور/ ساير الفريدي
 
عبد العزيز السدحان صح لسااانك يالذيب وكفوووو والله


شاعر ما فيك حيله وبيض الله وجهك على هالقصيدة الجزله

ولاهي غريبه عليك الإبداع

شكرا ع النقل


الساعة الآن 12:02 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52