كان الفخر بالخيل والبندقيه=فريس بالهيجاء زحول ٍمغاوير
تحكي مرابط خيلهم والسريه=وقت اللقاء فعل السيوف الشواطير
وكــــــان الــفــخــر بـالــوقــفــه الـحـاتـمــيــه=فــــازوا بــهــا يــــوم الـلــيــال الـمـعـاسـيـر
وكـــان الـفـخـر بـيــض الـقـلـوب النـقـيـه=يــاحــلــوهـــم لــلأجــنــبـــي والـمــســايــيــر
وكــان الـفـخـر طـيــب الـلـقـاء والحـمـيـه=بوجـيـهـهـم تـلـقــى الــوفــاء والـتـبـاشـيـر
وكـــان الـفـخـر عـلــم ومـنـاصــب قــويــه=شـفـهـم عـلــى الـقـمـه رجـــال مـشـاهـيـر
وكـــــان الـفــخــر رأي ســديـــد وقــضــيــه=فــي جـاهـهـم تـنـحـل مـــن دون تـأخـيـر
وكــان الفـخـر طـيـب النـسـب والسجـيـه=مــــن رؤس قــــوم يـزحـمــون الـطـوابـيـر
الـــحـــق يــشــهـــد مـكــتــمــل بـالـعـطــيــه=ربـــع لـهــم بـالـطـيـب حـشـمــه وتـقـديــر
مــــــن مــلــفــي زلال الــوجــيــه الــنــديـــه=عـســى عــلــى قــبــره ريــــاض ونــواويــر
إلـــــى لافـــــي الـدكــتــور مـافــيــه زيــــــه=طيـبـه يـعـطـر صـفـحـة الـمـجـد تعـطـيـر
إلـى نـافـع عـسـى روحــه بخـيـر وبـريـه=فـعــلــه بــقـــى لـــــو أبـعــدتــه الـمـقـاديــر
إلــى خـالـد عـمـيـد الـطـيـب والعسـكـريـه=وافــي نـقـي صــادق إحـسـاس وتعابـيـر
إلــــــــى مــحـــمـــد والــمـــواقـــف جـــلـــيـــه=نـسـل الـرجـال أهــل الوجـيـه المسـافـيـر
إلـى أحمـد علـى مبـدا العـهـد والوصـيـه=لـه فـي حـضـوره طـيـب مـوقـف وتأثـيـر
إلـى فيصـل وريـث المـجـد والـنـار حـيـه=مــثــل الــحــرار يــــزود مـافـيــه تـقـصـيـر
شـــجــــرة وفـــــــاء بــالــعـــز والـمــقــدريــه=مـايـهـزهـا زيـــــف الــزمـــن والأعـاصــيــر
هـــــــم امـــتــــداد الــطــيـــب والـشــاذلــيــه=مـاهــي سـوالـيــف الـسـعــه والأسـاطـيــر
يـــوم الاحـــوال ضـــروف وقـــت ورديــــه=ومـاجــد ابـوهــم مـايـحـسـب المـخـاسـيـر
ديــوانــه مــــلاذ بــكــل صــبــح وعـشــيــه=مــعــروف بـالـفـزعـه ومــذكــور بـالـخـيــر
لـــه الـرايــه البـيـضـاء ونـفـســه رضــيــه=فـــي رحــمــة الـخـالــق ولــــي الـمـقـاديـر
ومــامــات مـــــن خــلـــف رجـــــال وفــيـــه=مضـرب مثـل معـروف للطـيـب ويصـيـر
مــن حـربـي بــن بـجـاد فــي كـــل هـئـيـه=شـاعـر وفــي طـيـب بـصــف الشـواعـيـر
إلــــى خــالــد الـمـلـفـي عـلــومــه طــريـــه=وفـعـولـه الـجـزلـه صــداهــا مــــع الـغـيــر
فـخـر الـخـوي إلـــى افـتـخـر فـــي خـويــه=وبالـوصـل حـاضــر مـايـعـرف المـعـاذيـر
وفـــي مخـتـصـر مـــدح الـرجــال الـوفـيـه=صـورت قــاف الطـيـب للطـيـب تصـويـر
طـــيـــب تـســلــســل بـالــلــيــال الــمــديـــه=ماهو جديد من أمـس فـي حـزة عصيـر
تــــزورهــــم وأقــــــــول حــــقـــــك عـــلـــيـــه=مــاكــنـــك إلا بـيــنــهــم هــيــبـــة أمــــيــــر
بـــهــــم الــقــوافـــي تـعــتــلــي نـرجــســيــه=ويغـرد علـى غصـن الغـلا بالـفـرح طـيـر
وتـنـسـاب بالمـعـنـى ســمــاء الأبـجـديــه=وتصهل خيول بصدر الإحساس وتغير
وتـــزيــــد عـــنــــدك نــســبـــة الـمـعـنــويــه=لأن الرجـال أهـل الـوفـاء مدحـهـم غـيـر
والـطــيــب درب وكـــــل نـــفـــس ســـويـــه=تـسـعـى عـلــى شــأنــه بـوقـفــه وتـدبـيــر

الشاعر القدير
مقبل النمران
صح لسانك ولاهنت على هالقصيده الجزله غير المستغربه منك
والعطيه كفو ويستاهلون المدح الله يرحم الميت ويطول عمر الحي
فريّس وأهل كرم وأهل سمعة طيبه ومهما قلنا يقصر الكلام دونهم
اشكرك على الاضافه الجزله
تحيتي

الشاعر القدير
مقبل النمران
صح لسانك ولاهنت على هالقصيده الجزله غير المستغربه منك
والعطيه كفو ويستاهلون المدح الله يرحم الميت ويطول عمر الحي
فريّس وأهل كرم وأهل سمعة طيبه ومهما قلنا يقصر الكلام دونهم
اشكرك على الاضافه الجزله
تحيتي