إليكم هذه القصيدة التي من قصائد الشاعر القدير /بجاد حريمل المربوث
شاعر كتب اجمل الابيات بشخص ٍ شهد له القريب والبعيد
قصيدة في (الرائــد/منصور محمد الوسوس)
رجلٌ غني عن التعريف رجلٌ عجزت وتعجز الاقلام عن الكتابه امام هذا الشخص الذي وجدنا فيه منبع
الطيب والوفاء والحميه ..
اما شاعرالقصيدة الشاعر بجاد فأقول له قصدت ومدحت فاجدت وكفيت ووفيت
وبيض الله وجهك ويستاهل ابو يارا .

المدح في منصور تزهاه الابيات=فيه المعاني زاهيه من طربها
يتعب على الاول ويقطع مسافات=الطايله من طيب فعله كسبها
وريث مجدٍ باقيٍ حي مامات=على افعول اهله تشهد عربها
حرٍّ مواكيره بروس الطويلات=على الشرف والعز طيّب نسبها
عز الرفيق وعز من شاف ضيقات=لاجات حزاتٍ تبالش نشبها
لعيال راشد صار رجل المهمات=راس العتامه لا وقف ثم ندبها
في مكتبه تنحل كل الصعيبات=بالفكر والحنكه يحلحل صعبها
يديرها دور القمر بالمجرات=قايد وبيديه الاداره قضبها
لو قلت في منصور مدح بسجلات=تعجز ابيوت الشعر تاصل طلبها
يستاهل البيضا وما قلت ببيات=رجلٍ فناجيل المراجل شربها

المشاركة الأصلية كتبت بواسطة نواف بن هلال (المشاركة 273707) صح لسانه وسلم بنانك يابن مطيع.. ومنصورنا منصور يستاهل كل علم طيب

شاعرنا العذب اخوي نواف
نتشرف بمروك الرائع والعطر اجمل تحية لك

المشاركة الأصلية كتبت بواسطة عوض البيضاني (المشاركة 273711) صح لسان الشاعر/ بجــاد ويستاهل الرائد/ منصور الوسوس هذه القصيده الرائعه وبيض الله وجه المادح والممدوح ابن مطيع لاهنت على النقل الرااائع والمميز تقبل تحياتي وتقديري

المشاركة الأصلية كتبت بواسطة عيسى ابن احمير (المشاركة 273714) صح لسان الشاعر القدير:بجاد ابن حريمل المربوث قصيده جدآ رائعه تحمل في طياتها الأبداع والتميز والجزاله يستاهل الممدوح الرائد: منصور الوسوس كفووو وهو قدها بكل المواقيف وقفاته مشهود لها من الجميع فيعتبر علم من أعلام القبيله وبيض الله وجهه لاهنت أخوي ابن مطيع دائمآ تبدع بأضافاتك الرائعه وونقلك لقصائد شعراء أعلام بالشعر يعطيك العافيه

اخووي عيسى نتشرف بتواجدك ومرورك العطر

شاكرين لك المرور المطووول