تقول انته عوض ناصر راعي شعر الغزل قلت ايه=قالت والله ماعرفك مير من شعر ك عليك اوصاف
الى منك نظرت اقرا قصيدك واسمعه و اوحيه = صحيح ان المشاعر لو تخفى سترها شفاف
وقلت انتي عرفتيني وش انتي ياغزال التيه =لكن اللي عرفت ان القلوب المولعات اصخاف
وأعرف ان الهوا لو كنت تيتخفيه ماتخفيه=لو انك ما عشقتي ماحفظتي من بيوتي قاف
تخفين الهواء ياباشة الزينات عن راعيه=ترا عينك عن اللي في ضميرك نورها كشاف
لو الشاعر يغني بك قصيدة حب وش تعطيه =تكلم لا تضيّع هرجتي وتغطي الأطراف
وقالت لاقصد بي بشكره لو شهرته تكفيه =واعرف أن الجمال من العروش ينزّل الأشراف
وقلت أنتي وثقتي في جمالك ما وثقتي فيه =كلامك به غرور وبه بعد شيٍّ من الأجحاف
وقالت جاك علمي و الكلام اللي بعد ياليه =ترا لولا احترامك كان ماقف معْك هاالميقاف
انا بنتٍ حشيمه والقصيد اقدّره واغليه=ولكن لاتفكر في علومٍ ثانيه واهداف
على وجهك سماحة طيب بس الهرج مابرّيه=انا احب العلوم اسمان مابغاها تصير اضعاف
وقلت بذمتي ماجاك لا لفه ولا تمويه=انا في قمة المشراف وانتي قمة المشراف
ابستاذنك ماشي كل واحد يحفظه باريه =اودعك الولي واسرارنا يبقى عليها الحاف
الا ياريم ياللي جفـّله ظله وانا اراعيه=طبيعه من طبوع الريم حذر وعادته خواف

قصيدة الشاعر القدير // عوض ناصر الفريدي

المشاركة الأصلية كتبت بواسطة ابوحمد (المشاركة 273553) قصيده رااائعه جداً صح لسان الشاعر عوض ناصر عودنا دائماً على الجزاله ومليون شكر لك ابو صالح على متابعتك المميزه واضافاتك الرائعه لاهنت

المشاركة الأصلية كتبت بواسطة علي الجضعان (المشاركة 273560) صح لسان الشاعر عوض ناصر الفريدي والشكر موصول لأخي الغالي مشعل مطيع على الاضافه العطره