يابو هلا عيب المجالس مللها=مرضى القلوب اللي عن الحق عفت
اسمع نصيحة واحدٍ عقب اكلها=متشطرٍ عنهم حياضه وتفت
ليلة عشيرة قيس يبرك جملها=اللي عليه لبيت الأفراح زفت
أليا عرضت السالفة ثم نتلها=وقفابها خطوا العريضي وهفت
كذّبك لو انك تكون من أهلها=وخلاك مثل السارق اللي تلفت
راعي جوادٍ كل ما أصبح عدلها=عقله خفيف وخفّها واستخفت
يركبّها روس الوعر عن سهلها=واليا بغاها تنقز الجرف صفت
يابو هلا تالي سوالفك شلها=ليا شفتها وسط المجالس تعفت
مصحٍ سماها لو يقولون قلها=ومقفٍ مجال رسومها يوم قفت
أظن مرسوم التقاعد شملها=مادام رجلك عن بعض ناس كفت
ماراح منها لاتدور بدلها=مع درب أهلها اللي توفوا توفت
ناسٍ عليهم طرّف الوقت ملها=وأقلامهم من بيض الأوراق جفت
ازراعتٍ تمت نوامي سبلها=أتلا ركايبهم مع الريع شفت
والله يهني كل نفس بعملها=ويرو العطش بكبودهم كان حفت
والله يبردهم ابّارد هللها=بيض اليدين اللي على الحقت رفت
أديارهم ماكن حيٍ نزلها=أهل البيوت اللي عن البرد دفت
يازين مر أيامهم مع عسلها=وشوف الضعون اللي من الجو ضفت
أخير من دنياً تناقض أحيلها=نكدٍ شقاها لوبها الناس طفت
عساك تفهم علمها من جهلها=وتعفي شعاف أبكارها يوم نفت