..(معايده للوطن)..
على لسان ابن الوطن المغترب
(عبدالرحمن صالح الفريدي)..
http://www.alfredah.org/do.php?img=4355

ياوطن عاد عيدك يامقر الشريعه=ودام حكم السعود اللي يرفرف شراعه
مسكنك بالقلوب ومركزك بالطليعه=وان نخيت المواطن قال سمع وطاعه
قلت اعايدك لو كانت ظروفي فضيعه=وثقتها الصحافه ونشرتها الاذاعه
ابتدت غربتي والعمر باول ربيعه=في ديار بعيده مابها لي جماعه
ضقت(بالمانيا)..وضاقت علي الوسيعه=صرت مثل اليتيم اللي بسن الرضاعه
تمشي دموع عيني والمشي مااستطيعه=يمسح الدمع ابوي وقاسي الهم لاعه
ذاق طعم المذله والجفا والقطيعه=وكل مايملكه لاجلي زهدبه وباعه
ليه ترفض علاجي ياالوزيرالربيعه=ودي اعرف قرارك ضعف ولا شجاعه
فزعتك ياالربيعه (للاجانب) سريعه=صار (فصل التوائم) عند شخصك بضاعه
ادري ان الوزاره تالي الوقت ضيعه=وادري ان الاوامر تنطبع لك طباعه
الامل باالرجال اللي وفاهم طبيعه=والفرج من ولي الكون في كل ساعه
الشاعر والإعلامي / الكبير: : : رشيد محمد الفريدي

المشاركة الأصلية كتبت بواسطة ابو الرجال (المشاركة 273216) أبيات مؤثرة اللهم شفاؤك يارب يغني عن الخلق اللهم اكتب له شفاءا عاجلا ويسر له الأمور وأعنه على البعد والاغتراب وكن عونا له على اسباب الشفاء يارب مشكور اخ مشعل على الاضافة الرائعة الحية

المشاركة الأصلية كتبت بواسطة ابوحمد (المشاركة 273227) صح لسان الشاعر الكبير رشيد محمد الفريدي قصيده حاكت واقع معاناة المواطن / عبدالرحمن بن صالح الفريدي اسأل الله ان يجعل له من كل هماً فرجا ومن ضيقاً مخرجا ابو صالح بيض الله وجهك على الايراد دائماً سباق لاعدمناك مليون شكر لاهنت

المشاركة الأصلية كتبت بواسطة فهد الطميشاء (المشاركة 273249) رائعة يا أبو عبدالإله .. وليت الربيعة وزمرته الفاسدة يطّلعون عليها .. لا ليعطفوا على حالة عبدالرحمن بل ليقرأوا هذا البيت : الامــل باالـرجـال الـلـي وفـاهــم طبـيـعـه **والفـرج مـن ولـي الكـون فـي كـل ساعـه صح لسانك ولا هنت .. وكل الشكر لك ابو صالح على النقل

المشاركة الأصلية كتبت بواسطة أبو وسيم (المشاركة 273255) قصيدة روعة ومؤثرة وهادفة وعساها تلقى صدى عند اناس لافيهم رحمة ولاهم قد المسؤلية صح لسان ابو عبدالاله علي هذه القصيدة واشكرك ابو صالح لهذ النقل