يا محمد شب بالقلب لاهوبه = وأنتظر منك المدد واتحراكــــــــــــا


واعشيري مع هل الجوف عيو به = ويْتنقّل بين عرعر إلى سكاكــا


ماسكن صوب اليمن بأوسط الخوبه = ديرتن مشهورتن تنبت الراكـا


عينها عين الوحش تو ما جوبه = كامل الأوصاف للصيد فتاكـــــــــــا


واعذاب القلب من بعد محبوبه = كني اللي واردن حوض الإدراكـا


لا تأخر طلعة الشمس بالجوبه = البطى خطرن على الخل ينساكا


وأنت قبلي بالهوى عارف أسلوبه = ما لقيت اللي عن الحب ينهاكـا

الجديد

شايبٍ متولّعٍ يالله التوبه=يستهيض ومركبه فوقها اوراكا
يالله انك قادرٍ تغفر ذنوبه=ياولي الكون وامدير الافلاكا
دايمٍ عشقه شمالي ومطلوبه=لاتعدد صيدها وسط الاشباكا
وقل جنوب المملكه ويش عذروبه؟!!=والجمال اليعربي فيه سفاكا
لايهمك بعض الالوان واجنوبه =اسمرٍ مملوح يسعد محياكا
ولا عدمنا شاعرٍ تتعب دروبه=حرّك قلوبٍ ولو مابها حراكا
في ثنايا درته فن واعذوبه=يوم بعض الشعر تكرار وادباكا