مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   سود لأبن راكب زبون الونيات (http://www.alfredah.net/forum/threads/alfredah38534/)

منصور الوسوس 02-10-12 12:27 AM

سود لأبن راكب زبون الونيات
 
أحبتي الكرام كان لي شرف الالتقاء بالنقيب عبدالله بن شايع بن راكب الفريدي
وقد تشرفت بالاطلاع على قصيدة فيها ثناء عليه من احد الشعراء من قبيلة السهول
ولكون المجالس تتشرف بذلك الذكر الطيب لأبناء الفردة فقد الحيت عليه بضرورة
إنزالها هنا بين أيديكم
ولعلمي انه من الرجال الذين يستحقون الثناء وما تلك القصيدة الا خير شاهد
حيث يقول / الشاعر / محمد بن سعد السهلي







الــــنــــادرات الــوافـــيـــات الــعــريــبــات=مـــــا كـــــل شــاعـــر لا بـغــاهــن يــجــنــه
وردن عـلــي يــاهــل الـمـعَـرفـه مـحـيـمـات=وغـدا لـهــن مــــن بــيــن الاضــــلاع حــنــه
وردتـــهـــن عــــــدٍّ حــبــالــه طـــويـــلات=ومــن فـــوق جـالــه داحـمــن و اشـرعـنـه
و تـرايـعـن عقــب الـــروي مــــع تـلـفّــات=يــــم الـلـبـيـد الــلــي خــبـــط و اتـبـعـنــه
و قـــادن عـلــى راع الـشــرف و الـمــروات=مـتـعــب عـلــوم الـطـيــب مـــــا يـتـعـبـنـه
جــده قـنـا الـكـحـل الـعــراب الشـهـيـرات=شــعــب الـجـزيــره مـــــا قــنـــا مـثـلـهـنـه
ســــودٍ لابــــن راكــــب زبــــون الـونـيــات=كـــــم خــايــعٍ ذود الــفــريــدي رعـــنـــه
الـلـي حمـاهـن فــي السـنـيـن المخـيـفـات=يــــــوم الـقـبــايــل خـيــلــهــا مـسـتـعــنــه
فعلٍ مثل شمس الضحى ما يبا إثبات=لـــــو الــقــلــوب الــحــاســده يـجـحــدنــه
و الـيـوم أبــو شـايـع عـريــب الـســلالات=حـقـه مــع اهـــل الـطـيـب مـــا فـيــه مـنــه
صـعـايــب الأمــجـــاد جــنـــه مـطـيـعــات=و خطـامـهـن فــــي يــديــه مــــا يطـلـقـنـه
مـزبـان مــن حـــده مـــن الـوقــت مـيــلات=وســهـــوم بــقــعــا بـالـقــســا صــوبــنــه
لا جـــــاه سـهل لــه جـمــيــع الـعـسـيــرات=و خـــــلا الـلـيـالــي الـمـقـبـلـه يـنـصـفـنــه
و لا تاهت اريـا أهـل اللحـى و الشنبـات=فــــي مـوقـفٍ ولـــْـد الــــردي راغ عــنـــه
وقــــف و خــلاهــا ســهــود و ســلامــات=مـن طـيـب راســه يــا عــرب مــا شحنـنـه
و يمـنـاه غـيـمٍ لا نـتـثـر جـــاك زافـــات=يحـيـي الهمـيـد الـلـي الـدهـور أيبسـنـه
لــــو عـقـبــن مـثـلــه بــطــون الـعـفـيـفـات=كــان الـــردي مـاضــي السـنـيـن ادفـنـنـه
تـقـلـط لـــه أفـكــار الـمـعـانـي و الأبــيــات=مــــا غــيــره أحـــــدٍ ظـنــتــي يـدهـلـنــه
مدحـه علـي مفـروض فــرض الصـلـوات=ومـدحـه شــرف شـعــري و ذوقـــه وفـنــه
و اختـم و أقـول اخـذ الشكـر و التحيـات=مــــن شــاعـــرٍ يــمـــك بـيــوتــه خــذنـــه





الشاعر / محمد بن سعد السهلي

عبدالله حمد الفريدي 02-10-12 09:23 AM

رد: سود لأبن راكب زبون الونيات
 
الله الله الله


قصيده قويه جزله حاولت اقتبس منها فوجت ان كل بيت



اقوى من الثاني صح لسان الشاعر محمد سعد السهلي



قال واجاد وابو شايع يستاهل المدح والطيب هذي عاداته



كرم ووفاء ونخوه يستاهل النقيب عبدالله بن شايع بن راكب



بيض الله وجهه دايم علمه غانم ولايهون ابو يارا بيض الله وجهك على الاضافه



دائماً تتحفنا بكل جميل لاهنت

علي الجضعان 02-10-12 11:21 AM

رد: سود لأبن راكب زبون الونيات
 
يستاهل بن راكب ولنا الفخر في مدح أبن عم

ومن ربعن كاسبين النعم


والف شكر ابو ابارا على الاضافه

عيسى ابن احمير 02-10-12 11:36 AM

رد: سود لأبن راكب زبون الونيات
 
صح لسان الشاعر:محمد السهلي

قصيده جزله ورائعه تحمل في طياتها الأبداع والتميز

ويستاهل ابن العم المدح كفوووووووووو قوول وفعل

ولاهنت أخووي منصور على النقل يعطيك العافيه

خلف الفريد 02-10-12 11:40 AM

رد: سود لأبن راكب زبون الونيات
 
صح لسان الشاعر محمد السهلي
بين طيات ابياته الوفاء والاحترام
ويستاهل ابن شايع المدح والثناء فهو كريم من كرام
وسلمت يمينك ابو يارا عودتنا على اضافة كل جديد ومشرف
لاعدمتك

الجديد 02-10-12 02:06 PM

رد: سود لأبن راكب زبون الونيات
 
اخونا ابو يارا تسلم على النقل الجميل . وصح لسان الشاعر : محمد سعد السهلي ويستاهل المدح ابن العم النقيب : عبدالله بن شايع بن راكب الفريدي ولا يقدم من الرجال إلا خيارها . تحياتي للجميع

عبدالعزيز العبلان 02-10-12 06:11 PM

رد: سود لأبن راكب زبون الونيات
 
صح لسان السهلي

ويستاهل ابن راكب

ولاهنت يابو يارا على النقل الجزل
وإلحاحك على نقلها دليل الذائقه المميزه

تحيتي للجميع

مبارك بن ناصر بن حديد 02-10-12 11:24 PM

رد: سود لأبن راكب زبون الونيات
 
ابويارا شكرا ً على هذا الختيار

وصح لسان الشاعر محمد السلي

ويستاهل الاخ النقيب عبد الله بن شايع الفريدي

المدح وهو من اهل


وللجميع تحياتي

ابـن مـطـيـع 03-10-12 10:11 AM

رد: سود لأبن راكب زبون الونيات
 
بيض الله وجه السهلي ويستاهل الممدوح كل خير
الطيب يجيك ذكره ....
أشكرك على النقل والمتابعه لكل جديد يخص ابناء القبيلة
كل المحبه والتقدير لك على جهود
يا ابو يارا:177:

الأصيل 03-10-12 01:47 PM

رد: سود لأبن راكب زبون الونيات
 
اولا : اشكر الشاعر الكبير محمد السهلي فهو شاعر المعاني والابيات الجزيله وقد اجاد اجاده كبيره مبينا معروف الاخ عبدالله
و اليـوم أبــو شـايـع عـريـب الـسـلالا تحـقـه مــع اهــل الطـيـب مــا فـيـه مـنــه
صـعــايــب الأمــجـــاد جــنـــه مـطـيـعات و خطـامـهـن فـــي يـديــه مــــا يطـلـقـنـه
مـزبـان مــن حــده مــن الـوقـت مـيــلات وســـهـــوم بــقــعـــا بـالــقــســا صــوبــنـــه
ثانيا : نشيد باخونا عبدالله بن راكب فله من المواقف الكبيره التى لايجحدها منصف سواء لأ ابناء القبيله او حتى القبائل الاخرى وهو ايضاء مجمل بجدوده الفوارس المشهورون ولا يقصر دونهم بارك الله فيه يستاهل المدح بافعاله الشاهده على وقفاته


ثالثا: نشكر العزيز جدا ابو يار فهو حريص على ابراز المواقف الطيبه لأ ابناء القبيله وشواهدها

وتحياتي لجميع الاخوه الاعزاء و المعذره عن الانقطاع


الساعة الآن 07:32 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52