بسم الكريم المنعم المنانِ=ابدا كلامي واطلبه غفرانِ
الواحد المعبود محصي خلقه=ماله شبيه ولا شريكٍ ثاني
الحمد له والشكر له سبحانه=انزل علينا صفوة الاديانِ
وامة محمد امةٍ مرحومه=امة وسط وكتابها رباني
انعم عليها بالرسول الاكرم=الهاشمي المصطفى العدناني
حبيبنا خير البشر والخاتم=قدوة الامة والشفيع الحاني
نذود عن عرضه وطاهر شخصه=بارواحنا وقلوبنا ولسانِ
الا رسول الله ياروس الفتنه=اهل الهوى والبغي والعدوانِ
هذا النبي رسول الكون كله=اختاره الله للبشر والجانِ
وسلام تسليمٍ لذيذ مصفى=ماخالطه الا صفا وجداني
على الحضور اهل الوفا والقيمه=في حفل ربعٍ يحتمون العاني
نسل الكريم اللي علومه حيه=متعب دروب الطيْب والقيفانِ
ابو فهد لو غاب ذكره حاضر=لو الدنيا من هو عليها فاني
ساروا على نهجه بعزم وهمّه=حصنٍ اصيله من تلاد حصانِ
وتوارثوا طبعه وطيْب خصاله=والليله الليله هي البرهانِ
ادعوا لشيخٍ خابرين دوره=ودون القبيله فارس الميدانِ
وانا حضرت وحبهم يدفعني =ودي اردّ الطـّيب قدر امكاني
واهني مشاري بليلة عرسه=ذرب اليمين وزينة الشبانِ
عساه موفق والسعادة فاله=وبضاعته ربحٍ بلا خسرانِ
وختامها صلى الاله وسلم=على الحبيب المصفى العدناني