مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   شروا ولد فالح محمد بليهان (http://www.alfredah.net/forum/threads/alfredah38357/)

فهد الطميشاء 08-09-12 05:43 PM

شروا ولد فالح محمد بليهان
 
بسم الله الرحمن الرحيم

نقدم لكم قصيدة للشاعر الكبير / محمد بن حمد بن شعيبان الفريدي
والتي قالها في حفل تكريم الدكتور/ محمد بن فالح الحميدي الفريدي



http://www.alfredah.org/do.php?img=3502

الدكتور/ محمد بن فالح الفريدي - الشاعر/ محمد بن حمد بن شعيبان

نترككم مع القصيدة:



اول كلام انقدمه سر وإعلان= شكر الكريم المعتني في عبادة
جلا جلاله خالق الانس والجان=ومن خلقهم مايريد غير العبادة
وصلى الله وسلم على نسل عدنان=اقام دين الحق والشرك ابادة
يحثنا دينه وهو خير الاديان=بنص الحديث اللي صحيحا إسناده
بالعلم واجب نجتهد قدر الإمكان=من يجتهد به مايخيب اجتهاده
كنزآ حقيقة مايقدر بالاثمان=دينه على الجاهل صعيب آسدادة
واللي جمع علمآ نقاوي مع ايمان=وعلى المعين بكل حال اعتمادة
في شاية الرحمان فايز وكسبان=مادام عزالدين غاية مرادة
مافيه شك العلم عزآ للانسان=ويبغى مع الايام صبر وركادة
تطلع حرارآتطلبه حيث ماكان=كل على الجزلة سريعآ هدادة
شروا ولد فالح محمد بليهان=يشكر على جهده قوي الارادة
انقوله مبروك واجب وصفطان=عسى حياته عامرة بالسعادة
قد العلوم الطيبة يابو ريان=وقد المهمة والثقة والشهادة
تعبت كله يالفريدي على شان=ترضي ضميرك والوطن والقيادة
وفعلا وصلت اللي تبي ياكحيلان=حققت بالنهج الشريف الريادة
ثابرت حتى انجزت باخلاص واتقان=انجازك اللي يستحق الاشادة
شرفت ربعك حرب في كل الاوطان=اللي لهم كسب النواميس عادة
واضفت مجد لمجد ذربين الايمان=عوق الخصيم اليا تزايد عنادة
اولاد راشد مجدهم عبرالازمان=يبقى على وسق الطليعة اشدادة
واهل الوفاء الوافين في كل ديوان=كل ابلجن للعز يقدح ازنادة
نطلبلك التوفيق في كل الاحيان=باذن الكريم المعتني في عبادة
والشعر زوده بعض الاحيان نقصان=اليا ضعف معناه كثر انتقادة
من كل راعي صنف واعي وفهمان=ولاضعيف العرف حسب اعتقادة
ان الشعر تصفيف قيفان واوزان=حكيآ مثل ماقالو الربع قادة

علي محيميد الفريدي 08-09-12 07:35 PM

رد: شروا ولد فالح محمد بليهان
 
صح لسان الشاعر الكبير محمد الشعيبان الفريدي

والدكتور محمد يستاهل نتمناله التوفيق

وشكراً لك اخوي فهد على الاضافه الرايعه

دمت برعاية الله وحفظه

عبدالله حمد الفريدي 09-09-12 03:44 AM

رد: شروا ولد فالح محمد بليهان
 
صح لسان الشاعر
محمد بن شعيبان قال واجاد ابو فهد وهذى عاداته
والدكتور/ محمد يستاهل
الله يوفقه وعقبال اعلى المراتب
شكراً اخوي فهد على الاضافه

عبدالعزيز العبلان 09-09-12 12:54 PM

رد: شروا ولد فالح محمد بليهان
 
صح لسان الشاعر
محمد بن شعيبان

والدكتور/ محمد يستاهل
تمنياتنا له بالتوفيق والسداد
ولاهنت يابو عبدالملك على الاظافه

تحيتي وتقديري للجميع

ابـن مـطـيـع 09-09-12 05:32 PM

رد: شروا ولد فالح محمد بليهان
 
صح الله السان الشاعر القدير /محمد شعيبان الفريدي
على القصيدة الجزلة ويستاهل المادح والممدوح كل خير
أشكرك استاذي فهد على الاضافة هنا
تقبل مروري لك

الجديد 09-09-12 11:11 PM

رد: شروا ولد فالح محمد بليهان
 
اخونا ابو فهد صح لسانك مليون . ويستاهل الدكتور محمد . والشكر موصول لـ اخونا فهد الطميشاء . تقبلو مروري

عيسى ابن احمير 09-09-12 11:18 PM

رد: شروا ولد فالح محمد بليهان
 
صح لسان الشاعر:محمد ابن شعيبان

ويستاهل أبو ريان المدح

ولاهنت أخووي فهد على النقل

فهد الطميشاء 10-09-12 09:44 PM

رد: شروا ولد فالح محمد بليهان
 
كل الشكر لكم مروركم أيها الأعزاء

منصور الوسوس 11-09-12 12:06 AM

رد: شروا ولد فالح محمد بليهان
 
صح لسان ابا فهد
قصيدة جزلة لشاعر جزل
مدح مستحق لابا ريان الدكتور محمد الفريدي

سعد بن هذيل 12-09-12 02:05 PM

رد: شروا ولد فالح محمد بليهان
 
قـــــد الـعــلــوم الـطـيـبــة يــابـــو ريـــــان 0وقـــــد الـمـهــمــة والــثــقــة والــشــهــادة
تـعـبـت كـلــه يالـفـريـدي عـلــى شـــان 0ـترضــي ضـمـيـرك والـوطــن والـقـيـادة
وفعـلا وصلـت الـلـي تـبـي ياكحـيـلان0 حـقـقـت بـالـنـهـج الـشـريــف الــريــادة
ثابرت حتى انجزت باخلاص واتقان 0انــجــازك الــلـــي يـسـتـحــق الاشـــــادة
شرفت ربعك حـرب فـي كـل الاوطـان0 الـلـي لـهــم كـســب النـوامـيـس عـــادة


بيض الله وجهك
يابافهد والدكتور
يستاهل


الساعة الآن 12:27 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52