|
شيخان حمول الخيل والحظ قايم السلام عليكم ورحمة الله وبركاته اخواني في منتدى الفرده في يوم الاحد الموافق 16/10/1433 كان لي شرف المشاركه في حفل بني علي للشيخ بندر بن عبدالمحسن الفرم وكيل الفوج الثاني والعشرون بالحرس الوطني بمناسبة جهوده وسعيه الموفق حيث بذل الجهد نحو اخراج خالد العلوي الحربي من محنته مقابل 30 مليون .. آمل ان تحوز على اعجابكم ياهاجس الاشعار وقتك املايم = بقول الحقايق والسعد له علامات على وجيه الخيرين الهمايم = وهبه من الخالق لخلقه مقامات الطيب يابندر اساسه قدايـم = غريـزةٍ يالـفـرم تـنبــع مـن الـذات ميراث جدانك جزيل الغنايـم = خلد لها صنيتان بالمـجد صفـحات ومحسن اخو حسنا قوي العزايم = يفخر به التاريخ فـي كل الاوقات ذكره مع الابطال باعلى القوايم = عز لقبيلة حرب حاضر ومافات شيخان حمول الخيل والحظ قايم = مقدم معطرة النمش بالبطولات ستر العذارى لابسات الزمايم = لو مات واحدهم له المجد مامات وانته ولد محسن بك الطيب دايم = ماهي غريبه ترتكي للصعبيات من دون من جارت عليه الظلايم = اليا ثارت الفتنه للالباب حزات تقوم فيها و البخت له قسايم = والحظ طيب يا زعيم الثقيلات شلت الثقيل ولا حسبت الهضايم = دون اليتيم اللي يعول العـفيفـات اللي ورى القضبان كن السمايم = الامر سامي بالولـد ضمن الاموات بحكم الشريعه ماعلى الشبل لايم = نادى ونادى له رفيع السموات جاه الفرج في جاه عابد وصايم = باخر شهر الخير ياهل الحسانات لعيون خالد سجلوها تمـايم = دام المصايب حـلها بالـريالات زعيمها شيخٍ يفج الخرايم = بندر ولد محسن له الطيب عادات وحنا على صوته حذفنا العمايم = والعز يبراه الـبخت بالمهمات والبيض تنشر للرجال العظايم = عبر ضفاف المملكه بالمنيفات يوم المواقف بين بايع وسايم =حرب العريقه معجزه بالشهادات ارجالهم للواجبه واللزايم =والحر طبعه يكتفي بالاشارات هانت وهونها أمدير النسايم = والشكر لله ثـم لهل المبرات عموم من شارك بقول ودعايم= نهدي لهم مع صادق الشكر باقات وصلوا على المختار بالذكر دايم = اعداد مايذكر بكل الصلاوات الشاعر/ سعد هذيل الفريدي |
رد: شيخان حمول الخيل والحظ قايم صح الله السانك ابو فهد على القصيده يستاهل الممدوح الشيخ بندر الفرم ونشكرك على المشاركة وهذا تشريف لك ولنا جميعاً بيض الله وجهك على المشاركة والقصيدة التي تستحق القراءة اكثر من مره تقبل مروري لك |
رد: شيخان حمول الخيل والحظ قايم كفؤ كفؤوصح لسانك مدد بلا عدد يابن هذيل قصايدك لها رونق خاص بارك الله فيك مشاء الله عليك رغم صعوبة القافيه الا انك اجدت في صياغتها كما يجب ان تكون مع ذكرك للموقف سجل اعجابي تحياتي |
رد: شيخان حمول الخيل والحظ قايم صح لسانك يابن هذيل وبندر الفرم يستاهل موقفه مع خالد اكبر شاهد له من حرب بكملها جزيل الشكر ولك ايضا جزيل الشكر على هذه القصيده الجزله |
رد: شيخان حمول الخيل والحظ قايم شاعرنا القدير أبوفهد سعد هذيل صح لسانك مليون و يستاهل بندر الفرم . و الشكر موصول لكل من شارك بذالك . تقبل مروري |
رد: شيخان حمول الخيل والحظ قايم الجزل ابو فهد صح لسانك مدد بلا عدد نعم السفير انت لربعك رائعة احتوت على كل مضامين الصدق والوفاء الوفاء لاهل الوفاء ولقبيلة الوفاء ممدوح يستاهل المدح ومادح يستحق الثناء شكرا على الابداع |
رد: شيخان حمول الخيل والحظ قايم صح لسانك واعتلى شانك اخي ابو فهد من اجمل ماقرأأت وسمعت من القصائد لجزالتها وصياغتها لله درك تقبل تحياتي وتقديري ,,,,,,, |
رد: شيخان حمول الخيل والحظ قايم الشاعر القدير سعد هذيل الفريدي صح لسانك مليون يابوفهد قصيده قمه كماهي عاداتك لاعدمناك ويستاهل الشيخ بندر الفرم اخو حسنا ارتكا للحمل وشاله بليهان بسعود الله ثم بسعود قبيلة حرب كافه وبيض الله وجهك على الوقفه المشرفه احترامي وتقديري واعجابي لاهنت |
رد: شيخان حمول الخيل والحظ قايم [quote=ابـن مـطــيع;270573]صح الله السانك ابو فهد على القصيده يستاهل الممدوح الشيخ بندر الفرم ونشكرك على المشاركة وهذا تشريف لك ولنا جميعاً بيض الله وجهك على المشاركة والقصيدة التي تستحق القراءة اكثر من مره تقبل مروري لك[/quote اخي مشعل بن صالح بيض الله وجهك على التنسيق والمرور لاهنت تحياتي |
رد: شيخان حمول الخيل والحظ قايم كفؤ كفؤوصح لسانك مدد بلا عدد يابن هذيل قصايدك لها رونق خاص بارك الله فيك مشاء الله عليك رغم صعوبة القافيه الا انك اجدت في صياغتها كما يجب ان تكون مع ذكرك للموقف سجل اعجابي تحياتي شكرا اخي على مرورك وعجابك صح الله السانك هلا مليون |
| الساعة الآن 07:31 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir