سر يا قلم زانت طواريق الاشعار = رتبت معناهن بعرف وشطاره
هاضت هوا جيس الضماير والافكار = وخترت من زين المثايل خياره
يا راكب الي كل طبلونه اصفار = جانا على سفن البحر من دياره
توه من الميناء نزل عقب الاسفار = وسلم مع اللوحات كرت ستماره
منحوت أسمه بالذهب نوع فكس آر = فل وتماتيك يبدل غياره
يعجبك مشيه لا تواسأ مع القار = مايخلفه صلف الهواء عن مساره
فكس آر لاشافه رع الصنف يحتار = متوجهاً يم الطهيمي زياره
يمشي من بريده على وقت الاسحار = ويطب حايل مع بدايت نهاره
لاشفت سيفين ونخله بدوار = الله يعز الي علمهم شعاره
فتهن ولا جاك التقاطع خذ يسار = مع مبتدى السيدين بعد الاشاره
وليا زعجته مع هك الخط مقدار = مايكمل الهراج تالي العباره
حايل يمينك وتجه خط ميشار = يبينلك قصراً رفيعاً جداره
قصر الطهيمي مكرم الضيف والجار = ولاله حلياً كود مبنى الاماره
بوابته ماصكها واف الاشبار = كمل سلوم الباديه والحضاره
تلقى الدلال مصاطراتاً على النار = بمدوح قدم الفلل تقل قاره
حطه وكمل واجبه راعي الكار = ويضك في صفر المباهروجاره
لولى فعوله كان ماجاله أذكار = ويمنى ببذل الجود فيها جساره
العفن لو يملك من المال مليار = لو زاد ماله مايزود اعتباره
وعليان وقفاته صعيبات وعسار = والطيب مايا اتي بليا خساره
له وقفتاً يوم القدر والحدث صار = أطلق سراح الي عليه الخفاره
وشتال حمل الي عليه الدهرجار = ياعنك مبدى للقريب اعتباره
راعي مغاتيراً يشوقاً الانضار = وضحاً ثبت ترتيبهاً بالصداره
ياماى حلى الفاحج على حص الاوبار = طوال الرقب الي عراضاً فقاره
حطاً لهاً بين الجماهي معبار = وستعرضاً قدام نمر النماره
وتوافقوا بالراي من عقب الاشوار = محداً عن الثاني تغير قراره
وحازاً على النخبه رفيعات الاسعار = وترتيبه الاول بجد وجداره
الله يحماهاً من عيون الاشرار = وخطوى الحسود الي بكبده مراره
تمت وصلى الله على سيد الابرار = وخير مضمون الكلام أختصاره