مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   يابدر بن حسين ... (http://www.alfredah.net/forum/threads/alfredah37220/)

خلف الفريد 08-07-12 05:05 PM

يابدر بن حسين ...
 
وجدت قبل قليل قصيدة اعتذار للشاعر بدر بن حسين بن رضيمان
وهذا ردي .....


يابدر بن حسين قبلنا العذر=دون لوم ودون شرط ودون قيد
مانقابل طيبكم غير بشكر=والله اني سامحٍ والله شهيد
ادري انك شايلٍ هم الامر=من دواعي حسن ذاتك يالجديد
مير ابشرك الفخر باللي حضر=ومن تعذر مانقص قدره يزيد
شرفونا لابةٍ خيرة بشر=يشهد الله ليلةٍ في يوم عيد
من بذل من حر ماله او شعر=ومن تعنا يجذبه حبٍّ وطيد
بيّض الله وجه من جا للقصر=تاج راسي عزوتي عوق الضديد


مرسى السفينة 08-07-12 05:07 PM

رد: يابدر بن حسين ...
 
شاعرنا الكبير خلف بن عتق صح لسانك وعـــلا شانك

والف مبروووك زواج الولد عبدالعزيز

وانت دائما كبير بقدرك

عبدالله حمد الفريدي 08-07-12 05:14 PM

رد: يابدر بن حسين ...
 
صح لسانك ابو عبدالعزيز
وتستاهل البذل والحضور والعذر
والله يوفق عريسنا ويرزقه الذرية الصالحه
وافي دائماً لاعدمناك

غازى بن عجاب أبوزوايد 08-07-12 05:44 PM

رد: يابدر بن حسين ...
 
اخوى الكبير بقدره
قبول العذر من شيم الكرام
صح لسانك يابو عبدالعزيز رد وافي
وانت تستأهل من يعنا لك وفق الله العريس
ورزقه الذريه الصالحه
تحيتي

ابووليد الضعيني 08-07-12 07:06 PM

رد: يابدر بن حسين ...
 
اخوى الشاعر خلف صح اللسانك على هذا الرد واشكرك واشكر ابن رضيمان على قصيدته وهذا يدل على المحبه المتبادله بين الاخوان والاصدق التي انقطعت في عصرنا هذا وصار لاعذر ولا معذار ولكن انتم الله يزيدكم ويثبتنا على طاعته والله لايقطع التقدير والاحترام بين الجميع وتقبل

علي الجضعان 09-07-12 02:25 AM

رد: يابدر بن حسين ...
 
ابوعبدالعزيز صح الله لسانك مافيك حيله

كل البحور تلعب عليها

دائم متسامح يالفريد

الف شكر على الاضافه الرائعه من روائعك


ويستاهل بدر

وتقبل أجمل التحايا

نواف فارع 09-07-12 09:54 AM

رد: يابدر بن حسين ...
 
دامت المعاني .. وسلمت المساجلات الراقية .

وصحت حروفك أبوعبدالعزيز .

تحيتي وتقديري .

ابـن مـطـيـع 09-07-12 12:00 PM

رد: يابدر بن حسين ...
 
قصيدة جميلة في الاعتذار وافيه من شاعر وافي ويستاهل بدر كل
نشكرك على مشاعرك الاخويه
للعموم شرف الحضور

خلف الفريد 09-07-12 12:09 PM

رد: يابدر بن حسين ...
 
يامن عطرتم متصفحي بانفاسكم الطيبه
صحت ابدانكم وسلمت مشاعركم
دوما انتم البلسم وانـتم اهل الاوله
لاعدمتكم

ابن رضيمان 10-07-12 09:24 PM

رد: يابدر بن حسين ...
 
صح لسانك يابوعبدالعزيز ولاهنت


الساعة الآن 09:50 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52