مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   عيال راشد مجدهم مثل سنجار (http://www.alfredah.net/forum/threads/alfredah37138/)

عبدالله حمد الفريدي 04-07-12 07:03 AM

عيال راشد مجدهم مثل سنجار
 
الشاعر المعروف محمد بن حمد بن شعيبان الفريدي
شاعر كبير غني عن التعريف
القى هذه القصيده في حفل عند الدهاليس
"
"


قدراً لجزلين المواقف والاشوار=اللي لهم عند العرب مقدريه
حضرت اشرف حفل وافين الاشبار=واقدم الواجب عليه وليه
يامرحبا شيمه وواجب ومقدار=بأهل الوفا الوافين حقاً عليه
حياكم المعبود تكرار وامرار=من هاجسٍ صادق ومن طيب نيه
احرص على جزل التماثيل واختار=اللي يطيب بطيبين السجيه
لشعر كار ولهل المعرفه كار=عندي وعند اهل النفوس النقيه
ماني مقدم لدهاليس معذار=الحق واضح والقريحه مليه
رغم انشغالي وارتباطي بمشوار=واجب بني عمي له الاوليه
كسابة الطوله بعيدين الانظار=اهل الشحم والعود والشاذليه
عون الرفيق اللي عليه الدهر جار=وعوق الخصيم اللي نواياه نيه
المخلصين بواجب الضيف والجار=افعالهم في نجد ماهي خفيه
من عصر فريسٍ على جيش ومهار=يوم الجزيره كلها جاهليه
عيال راشد مجدهم مثل سنجار=شامخ وتدري فيه سبع الفيه
قدام لاتطلع محطات الاقمار=حقق مجاله شهرتاً عالميه
صيتاً يشرف حرب في كل الاقطار=ماينكره من كان عنده حميه
بإسم الفريدي لاعتزو والدخن ثار=عدوهم يارد حياض المنيه
يشهدلهم بافعالهم كل مغوار=تاريخهم شمسه مع الحي حيه
من دون نقص(ن) في مواجيب الاخيار=كل القبايل بالمكارم غنيه
واللي يغط حساب وامجاد الاحرار=ضعيف عرف وعلته داخليه
اليوم يا اصحاب المعرفه والابصار=في عصر فيه اوضاع الاسلام سيه
ياجب علينا كلنا سر وجهار=بدو وحضر من كل فج ونحيه
انا نكون اعوان للحق وانصار=عزاً لدين الله وسنة نبيه
ونصير يد وحده مع طوال الاعمار=حكامنا درع الوطن والرعيه
ناخذ عبر عن مانشوف من الاخطار=اللي هدفها السنه الهاشميه
لن الفتن عنا من يمين ويسار=في كل يوم وكل ليله قضيه
اقرب مثال اللي تشوفون بشار=بأخواننا فالشام شب اللضيه
فاجر وتيد له مساعيه فجار=المسلمين المؤمنين الضحيه
قولو عسى الله ينصر الدين تكرار=واجب عليكم كل صبح وعشيه
تضرعو للواحد النافع الضار=وصلو على الهادي شفيع البريه

سعد بن هذيل 04-07-12 01:58 PM

رد: عيال راشد مجدهم مثل سنجار
 
تــضـــرعـــو لــلـــواحـــد الــنـــافـــع الــــضــــاروصـلــو عــلــى الــهــادي شـفـيــع الـبـريــه


المصدر : http://www.alfredah.net/forum/thread...#ixzz1zeMq24IN
نــــــــــــــــــــــــ ـــــــــــــــعـــــــــ ـــــــــــــــــــــــــ ـــــــــــــم نعم نعم نعم
صح الله السانك يابو فهد وسلم بنانك على الجزيل والجميل
ويسلم العلم المتميز بالسوب الطيب
ابوحمد

علي الجضعان 04-07-12 02:17 PM

رد: عيال راشد مجدهم مثل سنجار
 
ابوحمد الف شكر على الاضافه

وصح لسان الشاعر محمد الفريدي


قصيده تستاهل الأشاده

ابوحمد لاعدمناك

منصور الوسوس 04-07-12 04:25 PM

رد: عيال راشد مجدهم مثل سنجار
 
صح لسان الشاعر العلم محمد بن شعيبان
هكذا الشعر اذا احتكم الى عاطفة وطنية ايمانية قوية
ملحمة شعرية نقف لها احتراما ولشاعرها تقديرا
لك ابا حمد ولأبي فهد كل الشكر والتقدير

عبدالله حمد الفريدي 04-07-12 11:27 PM

رد: عيال راشد مجدهم مثل سنجار
 
اخوي الشاعر
سعد هذيل ابو فهد
بيض الله وجهك على هذا المرور
وشهادتك وسام لاهنت ياغالي شكراً مليون

عبدالله حمد الفريدي 04-07-12 11:29 PM

رد: عيال راشد مجدهم مثل سنجار
 
شاعرنا القدير ابو عمر
صح بنك بالنيابه عن ابو فهد
لك مني جزيل الشكر والاحترام لاهنت ياغالي

عبدالله حمد الفريدي 04-07-12 11:30 PM

رد: عيال راشد مجدهم مثل سنجار
 
هلا والله وغلا ابو يارا مرورك وسام لاهنت ياغالي

خلف الفريد 04-07-12 11:57 PM

رد: عيال راشد مجدهم مثل سنجار
 
صح لسان ابو فهد على الجزالة والوفاء
ويستاهلون ربعنا الدهاليس المدح وهم اهله
وشكرا ابو حمد على نقل هذه الرائعه
لاعدمتكم

نواف فارع 05-07-12 12:13 AM

رد: عيال راشد مجدهم مثل سنجار
 


أقف احتراماً لهذه المعاني ,, واهل المعاني .

وصحت مشاعر أبوفهد ,, ولاهان ابن امطيع والجميع .


تحيتي وتقديري .

عيسى ابن احمير 05-07-12 02:14 AM

رد: عيال راشد مجدهم مثل سنجار
 
قــــدام لاتـطـلــع مـحـطــات الاقــمــار حــقــق مـجـالــه شـهـرتــاً عـالـمـيــه
صيتـاً يشـرف حـرب فـي كـل الاقطـار مايـنـكـره مـــن كـــان عـنــده حـمـيـه

أبداع من شاعر ليس مستغرب عليه هذا الأبداع

أبو فهد هرم من أهرام الشعر الشعبي

نسعد بطرح قصائده في هذا الصرح المشرف

كفو بالممدوحين وألف نعم فيهم

لاهنت يابن مطيع دائمآ متميز في نقلك الرائع

لاعدمناك يالوووافي


الساعة الآن 04:25 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52