|
مايبيّن الوافين كود المواجيب بسم الله هذه القصيده قلتها بمناسبة زواج الخال / نايف بن جازي الوسوس في حفر الباطن بداية عام 1428
والله لجي لو المسافه كلايف=واني للبّي دعوة الخال واجيب ولو الظروف ثقال تصبح خفايف=مايبيّن الوافين كود المواجيب والمرجله والطيب دايم ولايف=لاحازها الرجال نعم المقاضيب وهاذي صفاتٍ كلها عند نايف=اقولها كلمة حقيقه وتجريب واخوانه اللي كالسيوف الرهايف=نسل الكريم الحاتمي كاسب الطيب الشيخ ابو نواف حر النوايف=اللي بعزمه ذوّب الصعب تذويب شيخ بنى طلحه بعزم ونكايف=حتى زمت في عاليات المراقيب هداج تيماء بالليال العجايف=ومع الكرم والطيب كثر التراحيب وانتم شهودي بين سامع وشايف=عسى ولي العرش يجزاه ويثيب عساه في قبرٍ براد وهفايف=في كل يومٍ تطلع الشمس وتغيب من لابةٍ يامن لها كل خايف= لاجا نهارٍ فيه مثل المشاهيب اليا احتمت ما يرتضون النصايف=الناقصه عند العرب مطلبٍ عيب كم استووا من فوق قبٍّ عرايب=وكم اعتزوا مابين حماد وهديب اولاد راشد والعزاوي صلايف=دون الشرف والروح فعل المشاذيب ولا احدٍ يحوف المرزمات العطايف=اليا علا صوت البني الرعابيب وايمانهم عن الدنايس نظايف=عوق الخصيم مدلّهين الاجانيب مدحت ربعي بالبيوت الّلطايف= ولا انتقص حّق القبايل ولا اعيب باذن الولي ماينبسن الشفايف=الا بكلمة حق مايشوبها عيب خلف بن عتاق |
رد: مايبيّن الوافين كود المواجيب ابو عبدالعزيز صح لسانك , صح لسانك ويستاهل ابو نواف كم استووا من فوق قـبٍّ عرايـب = وكم اعتزوا مابين حمـاد وهديـب اولاد راشـد والعـزاوي صلايـف = دون الشرف والروح فعل المشاذيب بيتين تثبت الترابط ولله الحمد بين القبيلة ابدعت , والله انك ابدعت مدحت ربعي بالبيـوت الّلطايـف = ولا انتقص حّق القبايل ولا اعيـب ماقصرت بيض الله وجهك علمك غانم يابو عبدالعزيز تقبل مروري اخوي الكبير / خلف الفريد |
رد: مايبيّن الوافين كود المواجيب صح لسانك ياأبا عبد العزيز ويستاهل نايف بن جازي |
رد: مايبيّن الوافين كود المواجيب الطيَب ينعنا له قصيده جميله والأجمل هذا الوفاء منك ياأبا عبدالعزيز تقبل تحياتي |
رد: مايبيّن الوافين كود المواجيب خلف الفريد صح الله لسانك تمد الجزاله بمن يستحق ورحم الله أبو نواف ويستاهلون خوالك وأنت كفيت ووفيت دمت على الخير والمحبه والجزاله |
رد: مايبيّن الوافين كود المواجيب اقتباس:
ابو تركي كبير في الرد كبير في الحب كبير بسرعة التجاوب والتفاعل كبير في الوفاء لربعك
اتعبتني بالرد يابن منيديل=عجزت لانقى لك جزيل العباره فيك العطا والحب نبع كما النيل=ماهويجف ولا يغير مساره |
رد: مايبيّن الوافين كود المواجيب اقتباس:
مرورك عطر ومحبه صح لسانك انت ايضا لك حبي |
رد: مايبيّن الوافين كود المواجيب اقتباس:
مايعرف قيمة الطيب والطيبين الا الطيّب مثلك والاجمل من قصيدتي مرورك ووفاءك |
رد: مايبيّن الوافين كود المواجيب اقتباس:
صح الله بدنك واكرم روحك بل انت الجزالة متمثلة بشخص مرورك سحابة ممطره وشذى عطر ترقص له النسمات و ماقلنا الا الواجب وحسب القدره ولي عتب ان تتركنا كل هذه المده ،كثير علينا وانت تعلم اننا بحاجه الى مثلك والقول ينطبق اكثر على ابو عبد الاله رشيد ( ولا سوف انيخ راحلتي) لك ودي واطيب اماني |
رد: مايبيّن الوافين كود المواجيب صح لسانك ياأبا عبد العزيز ننتظر المزيد الابداع عااااااادااااااااتك |
| الساعة الآن 11:23 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir